Акциа "Ԥсра зқәым архәҭа" Аҟәа имҩаԥысит

17
(ирҿыцуп 19:22 09.05.2021)
Аџьынџьтәылатә еибашьра Дуӡӡа аиааира амш аҽны, лаҵара 9 рзы Аԥсны имҩаԥысуеит "Ԥсра зқәым архәҭа" акциа. Аиҿкааҩцәа- Аԥсны иҟоу Россотрудничество ахаҭарнакра, Владислав Арӡынба ихьӡ зху Аибашьратә Афырхаҵара Ахьӡ аԥша Аҳәынҭқарратә амузеи.

АҞӘА, лаҵара 9 – Sputnik, Асмат Ҵәыџьԥҳа. Акциа "Ԥсра зқәым архәҭа" Аҟәа имҩаԥысит, акциа иалагеит Ахақәиҭра ашҭа аҟынтәи, 10:15 сааҭ рзы.

Илеиуаз ақәа иахьмырԥшкәа акциа аҽалархәразы иааит 40-ҩык инреиҳаны атәылауаа Аџьынџьтәылатәи еибашьра Ду иалаӡыз ргәакьацәа рфотоҭыхымҭақәа рыман. Еизаз зегьы асабрадақәа рҿан, асоциалтә дистанциа иақәнаҟәон.

Аҟәа инхо Анна Положинскаиа акциа далахәуп лабду Андреи Положински исахьа лыманы. Иара 1941 шықәсазы Асовет ар ахь аррамаҵура ахысразы ааԥхьара ирҭеит, уи ашықәсан дырҭҟәеит, иахьа уажәраанӡа хабарда дыбжьаӡит ҳәа дыԥхьаӡоуп. Амоҭа лажәақәа рыла, лабду арратә техника дазҟазан, уаҳа инарҭбааны иҭоурых ҳәа акгьы лыздыром.

"Санду дизыԥшын", - лҳәоит лара. Акциа ҩынтәны салахәуп. Иаҳгәалаҳаршәалароуп Аиааира Ду ҳзаазгаз".

Аԥсны иҟоу Россотрудничество ахаҭарнакра аиҳабы Вадим Чеха иазгәеиҭеит, Аԥсны аҭоурых ишахӡыӡаауа.

Акциа хыркәшан Идырым асолдаҭ ибаҟа аԥхьа. Анаҩсан ашәҭшьыҵәрақәа шьҭарҵеит.

Абаҟа амҵан ашәҭқәа шьҭарҵеит иара убас Ахада ихаҭыԥуаҩ Бадра Гунба, аԥыза-министр актәи ихаҭыԥуаҩ Беслан Џьапуа, Аԥсны иҟоу Урыстәыла ацҳаражәҳәаҩ Алексеи Двинианин, Аҟәа ақалақь ахада Беслан Ешба, Аиҳабыра алахәцәа, ауаажәларра ахаҭарнакцәа, аруаа.

© Sputnik / Томас Тхайцук
Акциа "Ԥсра зқәым архәҭа" Аҟәа имҩаԥысит

Иахьазы Аԥсны инхоит 1941-1945 шықәсқәа рызтәи Аџьынџьтәылатә еибашьра Ду аветеранцәа 28-ҩык.

Акциа "Ԥсра зқәым архәҭа" Аԥсны есышықәса имҩаԥысуеит Аџьынџьтәылатә еибашьра Ду аҟны аиаара амшныҳәа инақәыршәаны. Раԥхьаӡа акәны акциа мҩаԥган 2012 шықәса рзы Томск.

Аԥсны аџьынџьтәылатә еибашьраан иҭахаз ргәалашәара ахьӡала раԥхьаӡа акәны акциа "Ԥсра зқәым архәҭа" мҩаԥысит цәыббра 30, 2016 шықәсазы. Усҟан уи рхы аладырхәит ҩнызқьи бжаки ауааԥсыра.

17

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4