Ахԥатәи жәларбжьаратәи аусутә форум "VISIT APSNY" Гагра иаатит

12
(ирҿыцуп 13:37 11.05.2021)
Ахԥатәи жәларбжьаратәи аусутә форум "VISIT APSNY" иалахәуп асасдкылара Аԥсны атуристцәа раԥхьалара алзыршо факторк аҳасаб ала иалацәажәо, аперсонал ралԥшаара, агастрономиатә туризм уҳәа рызҵаарақәа шьҭызхуа Аԥсни Урыстәылеи рекспертцәа.

ГАГРА, лаҵара 11 - Sputnik, Бадри Есиава. Ахԥатәи жәларбжьаратәи аусутә форум "VISIT APSNY" Гагра иаатит лаҵара 11 рзы ҳәа аҭыԥ аҟынтәи иааицҳауеит Sputnik акорреспондент.

Аусутә форум "VISIT APSNY" аиҿкааҩ "Атуризм аԥснытәи аидгыла" ахада Анна Калиагина афорум аартуа илҳәеит иара амҩаԥгара 2020 шықәсазы ишазԥхьагәаҭаз, аха акоронавирустә пандемиа иахырҟьаны ишахыгаз, уажәгьы итрадициатәу ацәыргақәҵақәеи афестивальқәеи рыда ишымҩаԥысуа.

Афорум аҟны иалацәажәоит атуризм азҵаара – ақыҭанхамҩеи афермертә нхамҩеи рыҿиара алзыршо акакәны. Аԥсны ақыҭанхамҩа аминистр ихаҭыԥуаҩ Дмитри Хагәышь еизаз зегьы ирыдиныҳәалеит атурсезон аартра, иазгәеиҭеит афорум раԥхьаӡа акәны инарҭбаау форматла ишымҩаԥысуа. Амшхәаԥштә азҵаара хада аганахьала иара иҳәеит ари аҩыза атуризмхк ҿыц жәларбжьаратәи аизыҟазаашьақәагьы шарҭбаауа, ақыҭақәа ирҭаауа атуристцәа еиҳа инарҭбааны аԥсуа жәлар ркультуреи рытрадициақәеи шҭырҵаауа.

Ахархәаратә стандарти атехникатә хылаԥшреи рзы Аҳәынҭеилакы ахантәаҩы Галуст Трапизониан игәаанагарала акурорттә сезон хымԥада қәҿиарала имҩаԥгахоит, иҟалоит асасцәа рацәаҩны. Иара иҳәеит аилак иалшо зегь шыҟанаҵо ԥсшьара иаауа шәарҭарада рыԥсшьараамҭа рхыргартә еиԥш аиҿкааразы.

Аԥсны Ахәаахәҭра-ааглыхратә палата аиҳабы Ҭамила Мерцхәылааԥҳа азхьаԥшра алҭеит атәылаҿ лаҵарамзатәи аныҳәамшқәа шымҩаԥысыз. Лара лажәақәа рыла, ареспублика аотельқәеи асасааирҭақәеи арҭ амшқәа рзы иҭәын, уи иаанаго акурорттә сезон алагамҭа бзиоуп ауп ҳәа лҳәеит лара.

Мерцхәылааԥҳа лгәаанагарала аҳәынҭқарра атуризм аҿиара азхьаԥшра анаҭароуп атәыла идепрессивтәу раионны иԥхьаӡоу Мрагыларатәи ахәҭаҿы.

Урыстәыла Аҳәынҭдума аҭҵаарадырра-експерттә хеилак аексперт Елена Чурина асовет аамҭазы Аԥсны дмаацызт, илыздырам урҭ аамҭақәа зеиԥшраз. Раԥхьаӡа акәны лара арахь дааит аибашьреи уи ашьҭахьтәи аекономикатә блокадеи рышьҭахь. Чурина лгәаанагарала, атуризми ақыҭанхамҩеи аекономикатә проблемақәа жәпакы рыӡбара рылшоит.

Ақыҭанхамҩаарыхыҩцәа Рассоциациа ахантәаҩы Денис Соломко афорум аиҿкааҩцәа дреиуоуп. Иара иҳәеит аҵыхәтәантәи аамҭазы Аԥсны ишырацәаҩхаз урыстәылантәи арахь нхара ииасуа, ақыҭанхамҩа знапы алаку ауаа. Ари атәылазы иҿыцу, иугәаԥхашагьы акоуп ҳәа иҳәеит иара.

Аусутә форум "VISIT APSNY" раԥхьаӡа акәны Аԥсны имҩаԥысит 2018 шықәсазы. Иара еиҿыркааит "Атуризм аԥснытәи аидгыла", "Ақыҭанхамҩаарыхыҩцәа Рассоциациа", атуристтә еилахәырақәа "Аҵыҭәақә тревел", "Visit Abkhazia". Информациатә партниорс иазыҟоуп Аинформациатә маҵзура Sputnik Аԥсны.

Иара убас шәаԥхьар ҟалоит:

12

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4