Аслан Бжьаниа Аԥсны ААР равтопарки рформамаҭәеи гәеиҭеит

15
(ирҿыцуп 16:47 11.05.2021)
Аԥсны Аҩнуҵҟатәи аусқәа рминистрра автомобилтә техника ҿыцлеи формамаҭәа ҿыцлеи реиқәыршәара хыркәшан мызкы аԥхьа.

АҞӘА, лаҵара 11 – Sputnik, Бадраҟ Аҩӡба. Аԥсны ахада Аслан Бжьаниа лаҵара 11 рзы Аԥсны ААР равтопарк ҿыци рформамаҭәа ҿыци гәеиҭеит.

Аԥсны ААР аусзуҩцәа аформамаҭәа ҿыц рыла еибыҭаны Ахақәиҭра ашҭаҿы ацәаҳәа иқәгылан. Иара абра игылан атехника ҿыцгьы. Ахада иԥылаз аминистр Дмитри Дбар аусбарҭаҿы иҟоу аҿыцрақәа рыӡбахә изеиҭеиҳәеит. Атәыла ахада аинтерес кны дазҵаауан автомашьынақәа ртехникатә ҟазшьа, урҭ аусураҿы иахьынӡахәарҭоу, амашьынақәа рыҩнуҵҟа хаҭала дҭаԥшны игәеиҭон.

© Видео Sputnik
Аслан Бжьаниа Аԥсны Аҩнуҵҟатәи аусқәа рминистрра ҿыц иаиуз автопарки аформамаҭәеи гәеиҭеит

"Арҭ аҿыцрақәа алагалахеит аҳәынҭқаррабжьаратә еиқәшаҳаҭра апунктқәа руак инақәыршәаны Урыстәылатәи аган аҟынтәи. Асеиԥш иҭбаау аматериалтә цхыраара уаанӡа иаҳмоуцызт. 49 ак транспорт хархәага Аԥсныҟа иаашьҭуп Аԥсны ААР роператив-маҵзуратә усдҵақәа нарыгӡаларц азы", - ҳәа иҳәоит Аслан Бжьаниа.

Урыстәылатәи Афедерациа Аԥсны ацхыраара ианаҭо иреиуоуп ииасыз ашықәс азы Аԥсны аҩнуҵҟатәи аусқәа рмаҵзура аусзуҩцәа руалафахәы 75% ашьҭыхра ҳәа иҳәеит атәыла ахада.

"Ари цхыраара дууп. Ҳақәгәыӷуеит асеиԥш иҟоу ацхыраара азинхьчаратә усбарҭақәа русура иҵегьы еиӷьу хаҭабзиарак ахь икылыргап ҳәа. Ацхыраара зыда ҳхәарҭамыз акәын. Ԥхьаҟагьы аусбарҭа аусзуҩцәа ацхыраара рыҭахалоит русура аганахьала", - ҳәа иҳәеит Бжьаниа.

Аҩнуҵҟатәи аусқәа рминистрра аҳәаақәа ирҭагӡаны систематә еиҭакрак ыҟам, аха урҭ аус рыдырулоит иҳәеит ахада, иагьазгәеиҭеит аструктуратәи аиҿкааратәи еиҭакрақәа ишырзыԥшу.

Аԥсны ААР аҿы ишырҳәаз ала, автомобилтә парки аформамаҭәеи ԥхьаҟагьы изныкымкәа ирҿыцхоит.

15
В Сухуме загорелось здание бывшей кондитерской фабрики

Аҟәа амцакра ду ҟалеит

18
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

18

Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

1
Аԥсны Жәлар Реизара адепутат, аграртә политикеи аԥсабаратә хархәареи аекологиеи рзы ахеилак ахантәаҩы Асҭамыр Ҭарбеи Тамшь ақыҭа ахада Вадим Занҭариеи арадио Sputnik аефир аҿы аԥсуа қыҭақәа рҿы аинвестициақәа ралагаларазы иҟоу алшарақәеи аԥкрақәеи ирылацәажәеит.
Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

Иҳаҩсыз ашықәс жьҭаарамза анҵәамҭазы Очамчыра араион Тамшь ақыҭан аргылара иалагеит атуристтә аобиект. Мышқәак раԥхьа уи аусура хацнаркит. Аԥсны Мрагыларатәи ахәҭа иахьаҵанакуа ари раԥхьатәи ҭыԥхеит атуристцәа рыԥсшьара аиҿкааразы.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

1