Ҭамаз Ҵахнакьиа аорден "Ахьӡ-аԥша" III аҩаӡара ианашьоуп

12
(ирҿыцуп 20:13 11.05.2021)
Иахьа Ҭамаз Ҵахнакьиа ԥшьышықәса аус ахьиуаз Аԥсны агәабзиарахьчара аминистр имаҵура хатәгәаԥхарала иаанижьит.

АҞӘА, лаҵара 11 - Sputnik. Аԥсны ахада Аслан Бжьаниа Ҭамаз Ҵахнакьиа иусуразы иҭабуп ҳәа иаҳәо, "Ахьӡ-аԥша" аорден III аҩаӡара ианеишьеит, абри атәы аанацҳауеит аҳәынҭқарра ахада исаит.

"Атәыла ахадара иаӡбеит Аԥсны агәабзиарахьчараҿы иҟашәҵаз алагалазы иреиҳау аҳамҭа шәанашьазарц. Ари ала аԥсҭазаара нҵәаӡом. Ишәҭаххар, ҳусеицура иацаҳҵар ҳалшоит даҽа хырхарҭак аҿы. Иҭабуп имариамыз аамҭазы ижәбаз аџьабаазы", - иҳәеит Бжьаниа.

Ҭамаз Ҵахнакьиа "Ахьӡ-аԥша" аорден III аҩаӡара ианашьоуп агәабзиарахьчара аусхк аҟны илагалазы, апрофессионализм ҳарак азы, акоронавирустә инфекциа COVID-19 иаҿагыланы ақәԥараҿы илагалазы ҳәа аҳәоит ахада иусԥҟа.

Ҵахнакьиа ихаҭа иакәзар, Бжьаниа иҭабуп ҳәа иеиҳәеит иқәырҵаз аҳаҭыр азы, иџьабаа ахә ҳаракны иахьыршьаз азы.

"Иҭабуп сџьабаа абас ахә ҳаракны иахьышәшьаз. Сареи сколлегацәеи ҳапрофессионалтә уал акәын инаҳагӡоз ари имариам аҭагылазаашьаан. Сара гәыкала шәнапхгара аҵаҟа аус зуан", - иҳәеит Ҵахнакьиа, агәрагарагьы ааирԥшит аусқәа шыманшәалахо.

Ҭамаз Ҵахнакьиа Аԥсны агәабзиарахьчара аминистрс дыҟан 2017 шықәса рашәарамза аахыижьҭеи. Усҟан иара диԥсахит Андзор Гоов.

 

12

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5