Аԥсны агастротуризм аларҵәара алыршаразы иаҭаху рҳәеит

© Sputnik / Томас ТхайцукТретий деловой форум Visit Apsny
Третий деловой форум Visit Apsny - Sputnik Аҧсны, 1920, 12.05.2021
Анапаҵаҩра
Ахԥатәи жәларбжьаратәи аусутә форум "VISIT APSNY" аҳәаақәа ирҭагӡаны имҩаԥган "Агастротуризми агьамабара зцу атуризми" атемала астол гьежь.

Афорум алахәылацәа алацәажәеит Аԥсны агастрономиатә туризм аиҿкаашьа аформақәа, аҿиара аԥеиԥшқәа.

Асмаҭ Ҵәыџьԥҳа, Sputnik

Урыстәыла Аҳәынҭдума аҭҵаарадырра-експерттә хеилак аексперт Елена Чурина илҳәеит Аԥсны агастрономиатә туризм ҳәа ззырҳәо атуризм ишадҳәалам, уи аекскурсиатә хықәкы змоу амҩан ана-ара ахәаахәҭроуп еиҳа изеиԥшу ҳәа.

Аексперт лажәақәа рыла, агастрономиатә туризм иҷыдоу хырхарҭаны иалкаалатәуп.

Атурист агьамабарахь дноугаанӡа дазырхиатәуп – изеиҭаҳәатәуп ачыс аҭоурых, аҟаҵашьа, аҵаси ақьабзи ирылацәажәатәуп ҳәа лҳәоит Чурина. Атурист агастротуризм иадԥхьаларазы иуникалтәу ачысҟаҵара азхьаԥшра аҭатәуп, еиҿкаалатәуп акрыфаратә фестивальқәа аԥсабараҿ, Европа зегь имҩаԥырго аҩы афестивальқәа рацлабра аҭахӡам ҳәа лҳәоит аексперт.

"Иԥшаалатәуп, аус рыдулалатәуп ахатәы брендқәа", – лҳәоит лара.

Урыстәыла Арестораторцәеи аотелиерцәеи рфедерациа азеиԥшҵаратә технологиақәа рдепартамент аиҳабы Светлана Преутеско лажәақәа рыла, адунеи зегьы аҿы аинтерес ркуа иалагеит агастрономиатә туризм. Уаанӡа иара амассатә туризм иахәҭакны иахәаԥшуазар, уажәы хаз игоу хырхарҭаны иршьоит.

Денис Соломко  - Sputnik Аҧсны, 1920, 11.05.2021
Арадио
Соломко афорум "VISIT APSNY" азы: азҵаарақәа рышьҭыхроуп идеиас иамоу

Ари аус иҵоуроу аганқәа шамоугьы, апроблемақәа цәырнагоит: зҟазара ҳараку акадрқәа, аекскурсиамҩаԥгаҩцәа разыҟаҵара аҭаххоит.

"Агид идыррақәа рыҩаӡара аклиент иҭахрақәа ирықәшәозароуп", - лҳәеит лара.

Преутеско илҳәоит аҩы агьамагәаҭаратә залқәа рҿы аекскурсиа мҩаԥызго агид аӡахәаарыхра, аҩыҟаҵара, агьамабара апроцедура хадақәа ртәы идыруазароуп ҳәа.

"Асасдкылара аиндустриа апрофессионалцәа Рассоциациа" ахада Елена Папиж ажәадгала ҟалҵеит Аԥсны азы ахҭыстә мзар еиҿкаазарц, акурорт ашықәс зегьы ахархәара аиуларц.

Ажәабжьқәа зегьы
0