"Урыстәыла. Иапониа. Аԥсны": аиҳәшьцәа Бубноваа ирызку ацәыргақәҵа аатит Аҟәа

12
(ирҿыцуп 16:07 17.05.2021)
Аиҳәшьцәа Бубноваа ирызку ацәыргақәҵа аартын Аҟәа 2000 шықәса рзы. Иара аус ауан шықәсык иназынаԥшуа.

АҞӘА, лаҵара 17 – Sputnik, Бадраҟ Аҩӡба. Ацәыргақәҵа "Урыстәыла. Иапониа. Аԥсны. Аиҳәшьцәа Бубноваа рыԥсҭазаареи рырҿиамҭеи" аатит лаҵара 17 рзы Ацәыргақәҵатә зал хадаҿы асахьаҭыхыҩ, арҵаҩы, аҟазараҭҵааҩ Варвара Бубнова диижьҭеи 135-шықәса аҵра иазкны.

Аиҳәшьцәа Бубноваа ирызку ацәыргақәҵа аартын Аҟәа 2000 шықәса рзы. Иара аус ауан шықәсык иназынаԥшуа. Ацәыргақәҵа аԥҵан Бубноваа рфонд аиҳабы Аза Аргәынԥҳа лаԥшьгамҭала.

"Бубноваа ах-тәылак – Урыстәыла, Аԥсны, Иапониа инхон. Арҭ атәылақәа ркультуратә ԥсҭазаараҿ рлагала дууп. Аннеи Варвареи Аԥсныҟа иааит 60-тәи ашықәсқәа рзы, ара дынхон раҳәшьа Мариа. Лара Аҟәатәи амузыкатә ҵараиурҭаҿ дырҵаҩын. Лара еиҵалааӡаз дреиуоуп акомпозитор, адирижиор Георги Портнов", - лҳәоит Аза Аргәынԥҳа.

Адокументалтә фотоматериал шьаҭаны иамоуп Аҳәынҭқарратә сахьаҭыхратә галереиаҿы иҵәаху Варвара Бубнова лусумҭақәа.

"Аусумҭақәа рыхәҭак аиҳәшьцәа рцәыргақәҵақәа рҿы исыԥшааит, ахәҭак Бубнова лӡаахымҭа Вера Афанасьева исылҭеит. Ара шәара ижәбар алшоит Бубноваа иапониатәии аԥснытәии рыԥсҭазаара иаамҭоу арҿиамҭақәа", - лҳәоит Аргәынԥҳа.

Ацәыргақәҵатә зал хада адиректор Ельвира Арсалиаԥҳа еизаз ирыдылныҳәалеит ареспубликатә акультуратәи ауаажәларратәи хҭыс ду.

"Ацәыргақәҵа акультурологиатә материал ду аҵоуп. Ара еизгоуп Варвара Бубнова лусумҭақәа Аҳәынҭқарратә картинатә галереиаҟынтә, афотоматериал ссир", - лҳәоит Арсалиаԥҳа.

  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
  • Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы
    © Sputnik / Марианна Кубрава
1 / 6
© Sputnik / Марианна Кубрава
Ацәыргақәҵа "Урыстәыла. Иапониа. Аԥсны" аатит лаҵара 17 рзы Ацәыргақәҵатә зал аҿы

Ацәыргақәҵа аартра далахәын Аԥсны иҟоу Урыстәыла ацҳаражәҳәаҩ Алексеи Двинианин.

"Сҩызцәа аӡәырҩык реиԥш хаҭала сара аиҳәшьцәа Бубноваа рырҿиамҭа ааигәаны исыздырамызт. Хаҭала ҭабуп ҳәа сҳәар сҭахуп ари алшамҭазы, ҷыдала Ельвира Анатоли-иԥҳа Арсалиаԥҳа ҭабуп ҳәа ласҳәоит аиҳәшьцәа Бубноваа рҟазара адырра соуртә еиԥш исылҭаз аҭагылазаашьазы", - иҳәеит иара.

Ацәыргақәҵа "Урыстәыла. Иапониа. Аԥсны. Аиҳәшьцәа Бубноваа рыԥсҭазаареи рырҿиамҭеи" аатит лаҵара 17 рзы, лаҵара 31 рзынӡа аус ауеит. Иара еиҿыркааит: Аԥсны Аҳәынҭқарратә сахьаҭыхратә галереиеи Асахьаҭыхыҩцәа реидгылеи. Апроект мҩаԥгахоит Аԥсны акультура аминистрра адгыларала.

Аԥсны зҽаԥсазтәыз асахьаҭыхыҩ Варвара Дмитри-иԥҳа Бубнова диит лаҵара 17, 1886 шықәса рзы, Санкт-Петербург.

1922-1958 шықәсқәа раан Иапониа дынхон, аус луан, аурыс бызшәеи алитературеи дрырҵаҩын. Лаҳәшьа Анна аскрипка алырҳәон, Мариа – апианино, лара Аҟәатәи амузыкатә ҵараиурҭа иреиӷьӡоу арҵаҩцәа дырхыԥхьаӡалан.

Варвара Бубнова — Иапониа аурыс бызшәеи акультуреи раларҵәаразы хәы змаӡам Агәыргьын аорден ланашьан.

1958 шықәса рзы Варвара Бубнова Аҟәаҟа нхара ҳәа диасуеит. Лыԥсҭазаара далҵуеит хәажәкыра 28, 1983 шықәса рзы Ленинград. Анышә дамадоуп Аҟәа.

Аԥсны аԥшшәхәқәа ихырхыз, 75 шықәса зхыҵуаз Варвара илыӡбеит раԥхьаӡа акәны акварельла аҩра. Ара иаԥылҵеит иссиру апатреҭқәа, апеизажқәа.

Варвара Бубнова Аԥсны иҭылхыз иреиуоуп: "Аҟәа. Ахәылԥаз", "Аӡын амшын аҿықәан", "Ҭагалантәи ашәҭқәа", "Аҽыкәабаҩцәа", "Аԥсуа ҩны", "Аҩада Ешыра", "Аҟәатәи амшын аԥшаҳәа", иара убасгьы еицырдыруаз аҟәаа рхаҿсахьақәа.

12

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4