Игор Моисеев иансамбль Аԥснытәи аҳәынҭқарратә филармониаҿ иқәгылоит

10
Моисеев ихьӡ зху акәашаратә ансамбль ақәгылара мҩаԥысуеит Аԥсни Урыстәылеи ркультуратә усеицура аплан инақәыршәан.

АҞӘА, лаҵара 17- Sputnik. Игор Моисеев ихьӡ зху аҳәынҭқарратә академиатә ансамбль Аԥснытәи аҳәынҭқарратә филармониаҿ иқәгылоит лаҵара 25-26 рзы ҳәа Sputnik иазеиҭарҳәеит ансамбль апресс-маҵзураҿы.

"Аԥсныҟа инаагоит хәҭак ала иҟоу аконцерттә программа. Ахәаԥшыҩцәа идырбахоит Игор Александр-иԥа Моисеев иқәыргыламҭоу акәашарақәа. Апрограмма "Адунеи ажәларқәа рыкәашара" ахореографиатә кәашарақәа иуникалу рцикл ауп. Дара адунеи аҟны еицырдыруеит", - лҳәоит Моисеев иансамбль адиректор Алла Гладких.

Апрограмма иалоуп абырзен кәашара "Сиртаки", аргентинатәи ахьшьцәа рыкәашара "Гаучо", акалмык кәашара "Татарочка", адыга кәашара, венесуелатәи акәашара "Хоропо", испаниатәи акәашара "Баллада", аурыс кәашара "Яблочко".

"Аԥсны асас бзиа дызбо тәылоуп. Ҳколлектив раԥхьаӡа акәны иқәгылеит 2013 шықәса рзы. Гәахәарыла ҳнеиуеит", - азгәалҭеит лара.

Урыстәылатәи аколлектив раԥхьаӡа акәны Аԥсны иқәгылеит 2013 шықәсазы, Урыстәыла амш азгәаҭараан, "Аԥсны-Урыстәыла" акультуратә сезон аҳәаақәа ирҭагӡаны.

Жәлар рыкәашара аҳәынҭқарратә академиатә ансамбль аԥиҵеит ахореограф Игор Моисеев 1937 шықәсазы.

10
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

19
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

19