Мшаԥымзатәи аԥсуа тәанчахәқәа лаҵарамза анҵәамҭазы иршәоит

16
(ирҿыцуп 00:13 18.05.2021)
Аԥсны Атәанчахәытә фонд ареспублика атәылауаа рҿаԥхьа 2021 шықәса мшаԥымза инаркны иақәу ауал 55 миллион рҟынтәи 47 миллион рҟынӡа илаҟәит.

АҞӘА, лаҵара 18 – Sputnik, Бадри Есиава. Мшаԥымзатәи аԥсуа тәанчахәқәа лаҵарамза анҵәамҭазы иршәоит ҳәа Sputnik иазеиҭеиҳәеит Аԥсны Атәанчахәытә фонд аиҳабы Денис Гәылариа.

"Атәанчахәытә фонд мызк аҩнуҵҟа 95 миллион мааҭ аҭахны иҟоуп. Абжа аԥара азоуҳажьхьеит. Иаанханы иҟоуп мшаԥымзатәи ашәарақәа - 47 миллион мааҭ. Мшаԥымзатәи атәанчахәқәа лаҵара анҵәамҭа иахымгакәа иаҳшәоит", - иҳәеит иара.

Мшаԥымзазы Гәылариа арадио Sputnik иазеиҭеиҳәон уи аамҭазы атәанчаҩцәа рҿаԥхьа ишәамкәа 55 миллион мааҭ нханы ишыҟаз.

Ашәарақәа рзы аиҵахарақәа зыхҟьаны иҟаз пандемиа ахҟьаԥҟьақәа роуп. Акоммерциатә еиҿкаарақәа жәпакы ашәахтәқәа рҟынтәи рхы иақәиҭтәын. Аԥгаԥсатә лагалақәагьы ҟарҵомызт.

Иара иажәақәа рыла, лаҵарамзазы иҵоуроу адинамика убартә иҟоуп.

"Аԥгаԥсатә лагалақәа рдинамика уахәаԥшуазар, ҭагалани аӡыни илаҟәлоит, аха ааԥынрази аԥхынрази ҩаԥхьа ихалоит акурорттә сезон иалҵшәаны. Аха макьаназ акурорттә сезон иалагамҭоуп, сгәы иаанагоит  асезон анҵәамҭаз ҳаиҵахара аԥаҳхып ҳәа", - иҳәоит иара.

Атәанчахәытә фонд аҿаԥхьа еиҳа ауал зқәу еилахәыраны иҟоуп АУН "Амшынеиқәафымцамч". Анаплакы ЕгрыГЕС аусура анхацнарк инаркны иақәыз ауал ашәара иалагеит.

Аԥсны Атәанчахәытә фонд ареспублика атәылауаа рҿаԥхьа 2021 шықәса мшаԥымза инаркны иақәу ауал 55 миллион рҟынтәи 47 миллион рҟынӡа илаҟәит.

Зынӡа 2021 шықәса мшаԥымзазы ашәҟәы иҭагалоуп аԥсуа тәанчахәқәеи ашәарацҵақәеи зауа 47 300-ҩык. Арҭ рҟынтәи жә-нызқьҩык рҟынӡа урыстәылатәи атәанчахәы роуам. Аԥсны иашәо 2500 мааҭ роуп. 2021 шықәса жьҭаарамза инаркны уи 3000 мааҭ рҟынӡа ихаргалараны иҟоуп.

Афонд аҭахрақәа реизҳара ианыруа факторны иҟоуп есышықәса Урыстәыла Атәанчахәытә фонд аҟынтәи атәанчахәы змауа атәанчаҩцәа рхыԥхьаӡара иахьазҳауа.

16

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4