Акция Ночь в музее в Государственном музее в Сухуме

Акциа "Аҵх амузеи аҟны" Аԥсны имҩаԥгахоит лаҵара 18 азы

16
Жәларбжьаратәи есышықәсатәи акциа "Аҵх амузеи аҟны" Аԥсны аҽаланархәит 2015 шықәсазы Аԥснытәи аҳәынҭқарратә музеи аԥшьгарала.

АҞӘА, лаҵара 18 – Sputnik, Селма Базԥҳа. Адунеи аҟны еицазгәарҭо акциа "Аҵх амузеи аҟны" иалахәхоит Аԥснытәи аҳәынҭқарратә музеи, Владислав Арӡынба ихьӡ зху Ахьӡ-аԥша амузеи, Дырмит Гәлиа имемориалтә музеи.

Абри атәы Sputnik иазеиҭарҳәеит амузеиқәа рнапхгаҩцәа.

"Аԥснытәи аҳәынҭмузеи азал дуи археологиа аҟәшеи рҟны имҩаԥгахоит археолог Вадим Бжьаниа диижьҭеи 85 шықәса аҵра иазку аекспозициа", - ҳәа иҳәеит Аԥснытәи аҳәынҭқарратә музеи адиректор Аркади Џьопуа.

Уи адагьы русура иацырҵоит еснагь иҟоу аекспозициақәа.

Владислав Арӡынба ихьӡ зху Ахьӡ-аԥша амузеи аҟны аҭааҩцәа рзы иазырхиоуп апрограмма. Аҟәатәи ашколхәыҷқәа рзы 1992-1993 шш. рызтәи Аџьынџьтәылатә еибашьреи Аԥсны раԥхьатәи ахада Владислав Арӡынба ибиографиеи рдырразы авикторина мҩаԥгахоит.

"Апрограммаҿ иҟоуп ахореографиатә студиақәеи ашәаҳәаҩцәа ҿарацәеи злахәу аконцерт, авикторина аихшьалақәа рыла ишахоит аҳамҭақәа. Ауснагӡатәқәа зегьы адәны рымҩаԥгара азыԥхьагәаҭоуп" ҳәа лҳәеит амузеи адиректор Мзиа Беиаԥҳа.

Амузеи асасцәа иара убасгьы ирыдгалахоит афотоцәыргақәҵа "Владислав. Иацы. Иахьа. Уаҵәы", амузеи аекспонат хада – Владислав Арӡынба иавтомашьына. Аҭааҩцәа идырбахоит Владислав Арӡынба изку афильмқәа.

Дырмит Гәлиа ихьӡ зху амузеи аҿы аепидемиологиатә ҭагылазаашьа инадҳәаланы ауснагӡатәқәа зегьы мҩаԥысуеит адәны, амузеи ашҭаҿы, "Дырмит иашҭа" ахьыӡҵаны.

"Аҵх амузеи аҟны" аан иӡыргахоит Аԥсны иазку алитература-сахьаркыратә журнал "Веси" аномер ҷыда аӡыргара. Ажурнал аҟны еиҭаҳәоуп Аԥсны акультура, апоезиа, алитература, аҟазара, амузеи аҭоурых рыӡбахә", - ҳәа лҳәоит амузеи адиректор Светлана Қорсаиаԥҳа.

Амузеи аҿы аекскурсиақәа идуум гәыԥ-гәыԥла еиҿкаахоит.

Акциа хыркәшахоит итрадицианы иҟалаз апоетцәа Анатоли Лагәлаа, Гәында Кәыҵниаԥҳа, Гунда Сақаниаԥҳа рпародиақәа рыԥхьарала.

Сергеи Дбар ихьӡ зху Аԥсны жәлар Рџьынџьтәылатә еибашьра амузеи аҿы Гәдоуҭа аԥсуа ҳәызбақәа рцәыргақәҵа аартхоит.

"Ацәыргақәҵахь инагоуп 30 рҟынӡа аԥсуа ҳәызбақәа. Зынӡа еизгоуп инарҭбааны изыхцәажәо 72 ҳәызба. Ари аекспозициа зынӡа иҿыцуп. Иаԥҵоуп Аԥсны абџьарҟаҵаҩцәа рассоциациа раԥшьгарала", - ҳәа иҳәеит амузеи адиректор Баҭал Гәынба.

Гәынба: аԥсуа ҳәызбақәа - адунеи аҟны акыҳәа ҳазлардырша ҳкультура махәҭакны иҟоуп

Амузеиқәа рҭаара хәыда-ԥсадоуп. Аамҭала асааҭ 10:00 рзы ихацыркхоит, ихыркәшахоит асааҭ 22:00 рзы лаҵара 18 рзы.

Акциа "Аҵх амузеи аҟны" шьаҭаркуп 1999 шықәса рзы, Франциа. Жәларбжьаратәи есышықәсатәи акциа "Аҵх амузеи аҟны" Аԥсны аҽаланархәит 2015 шықәсазы Аԥснытәи аҳәынҭқарратә музеи аԥшьгарала.

Адунеи аҟны еицазгәарҭо "Аҵх амузеи аҟны" иалахәхоит Аԥсны Аҳәынҭқарратә музеи, Владислав Арӡынба ихьӡ зху Ахьӡ-аԥша амузеи, Дырмит Гәлиа имемориалтә музеи, Сергеи Дбар ихьӡ зху Аԥсны жәлар Рџьынџьтәылатә еибашьра амузеи.

16

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4