Аекскурсиатә автобусқәа Аԥсныҟа ирмариоу апроцедурала иҭалалоит

9
(ирҿыцуп 12:09 18.05.2021)
Аԥсны атуризм аминистрра аекскурсиатә усурақәа мҩаԥызго аиҿкаарақәа зегь рахь ааԥхьара ҟарҵеит русураҿы напхгагас иҟарҵарц лаҵара 13 азтәи атәыла ахада идҵа.

АҞӘА, лаҵара 18 - Sputnik. Аԥсны ахада Аслан Бжьаниа инапы аҵеиҩит атуристцәеи аекскурсантцәеи мҩанызго автотранспорттә хархәагақәа роушьҭра аԥҟареи ахылаԥшреи иара убасгьы ршәарҭадареи ҳәаақәызҵо адҵа. Абри адокумент кьыԥхьуп Атуризм аминистрра асаит аҿы.

Адҵа инақәыршәаны Аԥсны Аҳәынҭқарратә хьчара амаҵзура 9-тәи аҟәша абарҭ амаҵзуратә ԥхықәрақәа амазарц:

  • аҳазалхратәи аҳәаахьчаратәи маҵзурақәа ирылацәажәаны атуристцәеи аекскурсантцәеи мҩанызго автотранспорттә хархәагақәа роушьҭра аиҿкааразы ауснагӡатәқәа рыплан ашьақәыргылара;
  • атуристцәеи аекскурсантцәеи мҩанызго автотранспорттә хархәагақәа аҳазалхратәи аҳәаахьчаратәи гәаҭара рахысра арццакразы атранспорт ҷыда иазалху ацәаҳәала роушьҭра;
  • атуристтә гәыԥқәа мҩанызго автобусқәеи автобус маҷқәеи ирыцзароуп Аԥсны Аҳәынҭқарратә хьчара амаҵзура 7-тәи аҟәша аусзуҩцәа мҩангаҩцәак раҳасаб ала;
  • Аԥсны аҵакырахь иалало атранспорт хархәагақәа еиҿкааны атуристцәеи аекскурсантцәеи рықәтәара алыршара Аԥсны Аҳәынҭқарратә хьчара амаҵзура 9-тәи аҟәша агыларҭаҿы;
  • атуристцәа зҭоу автотранспорт гәаранда агәаҭара, апассаџьырцәа ҭымҵкәа агәаҭара амҩаԥгара.

Убри аан иазгәаҭоуп атуристцәа мҩанызго аекскурсиамҩаԥгаҩцәа ирымазар шакәу атуристцәа, амашьынарныҟәцаҩцәа рсиа, урҭ ртәылауаҩшәҟәқәа рыхкьыԥхьаа рыцҵаны.

Аԥсны ианалҵуа амҳәыр заархоу асиақәеи атәылауаҩшәҟәқәа рыхкьыԥхьаақәеи амҩангаҩ изыхәҭоу амаҵзурақәа идирбароуп.

Аԥсны Аҳәынҭқарратә хьчара амаҵзура 9-тәи аҟәша аоператив зинмчы змоу иҷаԥшьо аиҳабы аҳәаа иахысуа атранспорт аоперативтәи астатистикатәи ҭаҩра мҩаԥигароуп, Аҳәынҭмаҵзура аиҳабы иахь инаишьҭроуп абри азы аинформациа.

Адҵа анагӡара хылаԥшра аиҭоит Аԥсны Аҳәынҭқарратә хьчара амаҵзура аиҳабы инапынҵақәа назыгӡо аполковник Зураб Занҭариа.

9

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4