Ашьапылампыл азы Аԥсны ачемпионат ахәбатәи атур иалагеит

11
(ирҿыцуп 16:21 18.05.2021)
Акомандақәа ааба злахәу ашьапылампыл азы Аԥсны ачемпионат мҩаԥысуеит мшаԥымза инаркны абҵарамзанӡа, аԥхынра бжьажьны.

АҞӘА, лаҵара 18 – Sputnik. Ашьапылампыл азы Аԥсны ачемпионат ахәбатәи атур иалагоит астадион "Динамо" аҿы лаҵара 18 рзы. Еиԥылоит аҟәатәи "Динамои" гәдоуҭатәи "Риҵеи". Ахәмарра иалагоит асааҭ 17:00 рзы ҳәа аанацҳауеит ашьапылампыл азы Аԥсны Афедерациа.

Атурқәа ԥшьба рышьҭахь аҩкомандакгьы еиҟароу аочкоқәа рымоуп: жәба-жәба. Иара убриаҟара очко рымоуп акомандақәа – "Гагра", "Нарҭ".

Уаҵәы, х-баллк змоу "Афони" "Нарҭи" еиԥылараны иҟоуп.

Лаҵара 20 рзы атурниртә таблицаҿ аԥхьа игылоу "Гагра" Даур Ахвледиани ихьӡ зху астадион аҟны иацыхәмаруеит ачемпионат аутсаидер "Самырзаҟан".

Ахәбатәи атур хыркәшахоит цандрыԥшьтәи "Саӡи" тҟәарчалтәи "Шахтери" реицыхәмаррала. Ахәмарра мҩаԥгахоит лаҵара 21 азы, Гагра, Даур Ахвледиани ихьӡ зху астадион аҟны.

11

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1