Аԥсны-Шьамтәылатә еиҳабырабжьаратә комиссиа аусура иалагеит

16
(ирҿыцуп 18:26 18.05.2021)
Аԥсны Аҳәынҭқарра аделегациа Шьамтәылатәи Арабтә Республикахь аофициалтә визит иалагеит лаҵара 16 рзы. Лаҵара 17 рзы Дамаск еиԥылеит Аԥсни Шьамтәылеи рхадацәа.

АҞӘА, лаҵара 18 - Sputnik. Аԥсны ахада Аслан Бжьаниеи Шьамтәыла аԥыза-министр Хусеин Арнуси Аԥсны-Шьамтәылатә еиҳабырабжьаратә комиссиа аусура иалахәуп ҳәа аанацҳауеит ахада ипресс-маҵзура.

"Ҳҳәынҭқаррақәа рыбжьара аизыҟазаашьақәа рыҿиаразы ари аҵак ду змоу хҭысуп. Ҳҳәынҭқаррақәа ирымоуп алшара аекономика, атуризм, ақыҭанхамҩа, аҭҵаарадырра, акультура, аспорт уҳәа ахырхарҭақәа рҟны қәҿиарала аусеицра", - иҳәеит Аԥсны ахада.

Аслан Бжьаниа иазгәеиҭеит атәылақәа рыбжьара нап шрыҵаҩу имаҷымкәа аҳәынҭқаррабжьаратә еиқәшаҳаҭрақәа, Аԥсни Шьамтәылеи рыбжьара аиҩызареи аусеицуреи рзы аиқәшаҳаҭра аԥхьа инаргыланы ҳәа.

"Аԥсны-Шьамтәылатә еиҳабырабжьаратә комиссиа еиҿкаауп. Иара иахықәкуп аиқәшаҳаҭрақәа рырҭбаара, рхарҭәаара. Аԥснытәи аган азыхиоуп еицыфеидоу аусеицура амҩаԥгараз аусурақәа рылагара", - ҳәа иҳәеит Бжьаниа.

© Foto / пресс - служба президента РА

Аԥсны-Шьамтәылатә еиҳабырабжьаратә комиссиа алахәылацәа рылацәажәеит аекономика, атуризм, ақыҭанхамҩа русхк аҟны аусеицура апрактикатә лшарақәа.

Акомиссиа аусура аихшьалақәа рыла нап рыҵаҩын Аԥсни Шьамтәылеи аекономикеи атуризми рзы рминистррақәа рыбжьара аусеицуразы аиқәшаҳаҭрақәа.

Уаанӡа имҩаԥысит Аслан Бжьаниеи Хусеин Арнуси реиԥылара. Бжьаниа иазгәеиҭеит лаҵара 17 рзы ишымҩаԥысыз Шьамтәыла ахада Башар Асади иареи реиԥылара, аиԥылараҟны ахадацәа апрактикатә ус ахь ииастәуп ҳәа ишазырыԥхьаӡаз.

16
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

22
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

22