Цәыббрамзанӡа Аҟәа амҩақәа хԥа акаҭран рықәҵахоит

32
(ирҿыцуп 11:00 19.05.2021)
Аремонт-еиҭашьақәыргыларатә усурақәа мҩаԥыслоит Аԥсны асоциал-економикатә ҿиара ацхырааразы Аинвестициатә программа аԥаразоужьрала.

АҞӘА, лаҵара 18 – Sputnik, Бадраҟ Аҩӡба. Абазақәа, Џьонуа, Гәлиа рымҩақәа рҿы акаҭран ақәҵара азԥхьагәаҭоуп 2021 шықәса цәыббрамзанӡа ҳәа Sputnik иазеиҭеиҳәеит Аԥсны акапиталтә ргылара аусбарҭа аиҳабы ихаҭыԥуаҩ Демир Гамисониа.

"Аԥсни Урыстәылеи реинырра арегламент инақәыршәаны Аԥсны акапиталтә ргылара аусбарҭа апроект-сметатә документациа ҩ-експертизак ирхысроуп – аԥснытәии урыстәылатәии. Аԥсуа нормативтә документациа ахархәара ахьаҳҭоз азы асмета хынтә иҳаԥхьаӡеит, аԥшьынтә раан урыстәылатәи анормақәа рыла иԥхьаӡоуп", - ҳәа иҳәеит иара.

Аԥсны акапиталтә ргылара аусбарҭа аиҳабы ихаҭыԥуаҩ Демир Гамисониа адырра ҟаиҵеит апроект-сметатә документациа азырхиоуп ҳәа.

"Аилаӡарақәа азҳархиоит. Хара имгакәа акапиталтә ремонт алагаразы аванс наҳашьҭуеит", - ҳәа иҳәеит иара.

Аусурақәа ирылагараны иҟоуп Абазақәа, Џьонуа, Гәлиа рымҩақәа рҿы аҩарцарҭақәеи аканализациеи рышьақәыргыларала.

"Хыхьтәи аӡқәа амҩа ианыгахоит. Аҩбатәи аетап ала акаҭранқәҵара мҩаԥгахоит. Азеиԥш сметатә хәыԥса 138 миллион мааҭ ыҟоуп", - иҳәоит иара. Уи адагьы арҭ амҩақәа рҿы иқәыргылахоит ацәхыԥқәа.

Џьонуа ихьӡ зху амҩа аремонт азы иазԥхьагәаҭоуп 61 миллион мааҭ, Абазақәа рымҩаз – 35 миллион мааҭ, Гәлиа имҩаз – 42 миллион мааҭ.

"Џьонуа имҩа - 1250 метра, Абазақәа рымҩа - 550 метра, Гәлиа имҩа - 1340 метра иҟоуп", - иҳәоит Демир Гамисониа.

Акоммуникациатә ҳақәеи аӡымҩангагақәеи рыԥсахра иалаган 2020 шықәса цәыббрамзазы Аинвестициатә программала.

"Аусурақәа ҩ-етапкны еихшан – аӡеиқәыршәара, аӡымҩахгара. Урҭ аусурақәа нагӡоуп. Уажәы аӡыршьҭрацарҭақәеи акаҭранқәҵареи мҩаԥгахоит", - ҳәа иҳәеит иара.

Абазақәа, Џьонуа, Гәлиа амҩақәа рҿы аусура аҩбатәи аетап иалагоит аԥхынра алагамҭаз иҳәеит Демир Гамисониа.

32

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1