Урыстәыла Атуроператорцәа рассоциациа Аԥсны аԥхынтәи асезон зеиԥшрахо азԥхьагәарҭеит

6
(ирҿыцуп 09:53 19.05.2021)
Урыстәыла атуроператорцәа Рассоциациа адыррақәа рыла урыстәылаа еиҳа иԥсшьарҭа ҭыԥны Аԥсны иалырхуа Гагра, Пицунда, Афон ҿыц, Аҟәа роуп.

АҞӘА, лаҵара 18 - Sputnik. 2021 шықәсазтәи аԥхынтәи асезон азы Аԥсны аԥеиԥш бзиа амоуп, аотельқәеи апансионатқәеи рҟны ахәԥсақәа шыҳараркызгьы ҳәа лҳәеит Урыстәыла атуроператорцәа Рассоциациа аиҳабы Маиа Ломиӡе "Россия сегодня" амультимедиатә пресс-центр аҟны имҩаԥысуаз онлаин-конференциаҿ.

Урыстәылатәи атуристцәа аинтерес ду аадырԥшуеит аԥснытәи ахырхарҭаҿ. Ломиӡе иазгәалҭеит апандемиа иахырҟьаны урыстәылатәи атуристцәа аҳәаанырцә ааигәа иазхьаԥшуа иалагеит ҳәа.

"Аҳәаанырцә ааигәа атәылақәа еиуеиԥшым аҭыԥқәа рҿы иҟоуп. Аԥсны атуроператорцәа реиҳараҩык рҭахрақәа ирыҵанакуеит. Урыстәылаа рзы ари ахырхарҭа Краснодартәи атәылаҿацә ахырхарҭақәа иреиԥшуп", - лҳәеит Ломиӡе.

АТОР ахада лажәақәа рыла, атуристцәа Урыстәылеиԥш аҳәаанырцәгьы иалырхуа аотельқәа ркатегориа "лиукс" ауп.

Урыстәыла атуроператорцәа Рассоциациа адыррақәа рыла, урыстәылаа аԥсшьараз Аԥсны еиҳа иалырхуа Гагра, Пицунда, Афон ҿыц, Аҟәа роуп.

Иара убас шәаԥхьар ҟалоит:

6

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4