Аветерантә еиҿкаара "Аруаа" Аслан Бжьаниа ԥхьатәара дцарц идыргалеит

19
1992-1993 шықәсқәа рызтәи Аԥсны жәлар Рџьынџьтәылатә еибашьра аветеранцәа реиҿкаара "Аруаа" лаҵара 19 рзы абрифинг мҩаԥыргеит АРСМИРА.

АҞӘА, лаҵара 19 – Sputnik. Аԥсны жәлар Рџьынџьтәылатә еибашьра аветеранцәа реиҿкаара "Аруаа" Аслан Бжьаниа ԥхьатәара дцарц идыргалоит ҳәа иҳәеит аиҿкаара иреиҳаӡоу ахеилак алахәыла Хына Думаа АРСМИРА имҩаԥысуаз абрифинг аҿы.

"Адәныҟатә политикаҿы иара игхақәа Қырҭтәыла ҳара ҳаԥсыҽра акәны иахәаԥшуа иҟаиҵеит. Ҳара азин ҳазиҭом ҳтәыла ахада зырратә мчрақәа зырӷәӷәо ҳаӷа дивахәмаруа ихы мҩаԥигартә", - ҳәа иҳәеит Думаа.

Иара убасгьы иазгәеиҭеит аиҿкаара шақәшаҳаҭым адәныҟаполитикатә концепциаҿы Қырҭтәылеи Аԥсни реицәажәара аныԥшра.

"Ҳақәгыларақәеи ҳҳәамҭақәеи рҿы ари изныкымкәа иаҳҳәахьеит. Аҽазныкгьы иаҳҳәоит - ақырҭуа политикцәа Аԥсныҟа раара, рыдтәалара шалҳмыршо, аӷа иҟынтәи аишәацәынха адкылара шаҳамуа", - ҳәа иҳәеит иара.

Аиҿкаара "Аруаа" ахантәаҩы Ҭемыр Гәлиа иазгәеиҭеит абрифинг шымҩаԥысуа ауаажәларраҿы аибарххарақәа аныҟоу аамҭазы.

"Иацы даҽа цәгьоуракгьы аҭыԥ аман. Дшьын раԥхьатәи ахада иашьа иԥа, иара дсыҷкәынуп ҳәа ииԥхьаӡоз. Иҭаацәеи игәакьацәеи ҳрыдашшылоит", - ҳәа иҳәеит Гәлиа.

"Аруаа" иреиҳаӡоу ахеилак алахәыла Фиодор Сақаниа атәыла анапхгара рахь ааԥхьара ҟаиҵеит аиҿкаара агәаанагара иазыӡырҩырц аҳәынҭқарратә зҵаарақәа рыӡбараҿы.

"Мчыла анапхгара ахцара аӡәгьы иҭахым, аха ажәлар уи алдыршартә ахықәахь рнагарагьы иашам. Анапхгара ҿыц ирҳәон уаанӡатәиқәа ҳреиӷьуп ҳәа. Ус акәзар, ажәлар еиҟәышәымшалан, аполитикатә оппонентцәа шәрышьҭамлан", - ҳәа иҳәеит иара.

Ҭемыр Гәлиа инаҵшьны иазгәеиҭеит Аԥсуа телехәаԥшра ишанымԥшуа еиуеиԥшым агәаанагарақәа, уи ауаажәларра реиҟәшарахь ишкылнаго, амчра ахьӡ шыланарҟәуа.

"Аруаа" ахаҭарнак Роман Қәҭарба игәаанагарала, апандемиа иаанарԥшит атәылауаа ргәабзиара амчрақәа азхьаԥшырц шырҭахым.

"Аофициалтә статистика иҟаҵәҟьоу аиаша аанарԥшуам. Иаанарԥшуам аҩни атәыла анҭыҵи заҟаҩ ԥсыз рхыԥхьаӡара. Алаҵаҟаҵара уажәоуп ианалага, ажьырныҳәамзазы ҳалагоит ҳәа шырҳәахьазгьы", - ҳәа иҳәоит иара.

"Аруаа" ахантәаҩы Ҭемыр Гәлиа иара убасгьы Аԥсны аенергетика апроблемақәа дырзааҭгылеит.

"Ԥхьаҟатәи аусқәа рцашьа аплан шьақәыргылалатәуп, аенергетикатә лшара еиқәырхатәуп. Аҭира акәӡам аиқәырхароуп изызхәыцтәу", - ҳәа иҳәеит иара.

Гәлиа иара убасгьы иҳәеит атәыла Апарламент аҳәынҭқарра ахада игәрамгаразы азакәан рыдыркылар шакәу, Аԥсны иконституциатәым аиҭакрақәа ԥхьаҟагьы ралмыршаразы.

19

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5