Ашаҳаҭцәа рымнеира иахҟьаны Ахра Аҩӡба иусӡбараз аилатәара ахыгоуп

5
(ирҿыцуп 09:49 20.05.2021)
Ахра Аҩӡба, иара убас дзыхьчоз ԥшьҩык – Талех Гасанов, Аслан Гуатижев, Андреи Лактионов, Станислав Культа ахара рыдырҵоит абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

АҞӘА, лаҵара 20 – Sputnik, Асмаҭ Ҵәыџьԥҳа. Ахра Аҩӡба иус азы аӡбарҭа ахԥатәи аилатәара ахәаша, лаҵара 21 ахь иахыргеит ашаҳаҭцәа рыҟамзаараз.

Лаҵара 19 рзы аилатәараҿы рҿахәы рҿырхраны иҟан ашаҳаҭцәа, Ахра Аҩӡба иҩны ангәарҭоз мшаԥы 4 рзы иҟаз Андреи Шабельникови Сергеи Демидови, иара убасгьы амилициа аусзуҩцәа Аслан Сангәлиеи Леван Топуриеи.

Аха ашаҳаҭцәа аӡәгьы аӡбарҭахь имнеит. Демидов Москваҟа дыҟоуп. Апрокуратура хада ахаҭарнак Даур Амҷба иҳәеит Андреи Шабельников Гәылрыԥшьтәи аӡбарҭахь днеиртә алшара шимамыз.

Леван Топуриа акоронавирус имоуп ҳәа агәаанагара ахьыҟоу азы дзымнеит. Аслан Сангәлиа аршаҳаҭга неишьҭит дышзымнеиуаз азы, аха Ахра Аҩӡба уи дыҟазароуп ҳәа ишьеит.

"Арҭ аҩыџьа рмаҵзуратә напынҵақәа ирхыҳәҳәаны рхы мҩаԥыргеит. Дара аус еиҵарҟьоит. Арҭ ас имааиуа иалагар, жәашықәсагьы усӡбарада ара ҳаҟазаауеит. Ашаҳаҭцәа ааиртә аиԥш аус еиҿышәкаа", - ҳәа иҳәеит Аҩӡба.

Даур Амҷба иҳәеит Сангәлиа дыҟамкәа иҿахәы рылаҳәара дшақәшаҳаҭым, ахара здырҵо руаӡәк иара хаҭала игәаҭара дахьалахәыз азы хымԥада иҟазаара ахәҭоуп ҳәа. Топуриа игәамбзиарагьы ршаҳаҭгала ишьақәырӷәӷәатәуп ҳәа иҳәеит Амҷба.

Аӡбаҩцәа Топуриеи Сангәлиеи ҭелла рыҽрымардарц аилацәажәарахь инеит. Апрокуратура хада урҭ ашаҳаҭцәа реиҳабацәа рыҽрымардеит. Урҭ иазгәарҭеит ашаҳаҭцәа аӡбарҭахь рнеиразы иалшо шыҟарҵо.

Ахра Аҩӡбеи дзыхьчоз ԥшьҩыки ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Абри аумҭазы дара ирықәҵахар ҟалоит ҩышықәса инаркны фышықәсанӡа ҭакрыла ахыгара.

5
Атемақәа:
Ахра Аҩӡба иаанкылара (29)

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5