Аслан Бжьаниа Уалид Маршьан иҭаацәара дырҭааит

4
(ирҿыцуп 15:03 20.05.2021)
Аслан Бжьаниа зхадараҿы дыҟоу аԥснытәи аделегациа Дамаскҟа инеит лаҵара 16 рзы, Аԥсни Шьамтәылеи наҟ-наҟтәи русеицура азҵаарақәа рылацәажәаразы.

АҞӘА, лаҵара 20 - Sputnik. Аԥсны ахада Аслан Бжьаниа Шьамтәыла арратәи ауаажәларратәи усзуҩ, аинрал-маиор Уалид Маршьан иҭаацәара дырҭааит. Абри атәы аанацҳауеит ахада ипресс-маҵзура.

Аҭаацәа рахь днеиаанӡа Аслан Бжьаниа Уалид Маршьан анышә дахьамадоу аҭыԥ аҿы ашәҭшьыҵәрақәа шьҭеиҵеит.

Аԥснытәи аделегациа ирԥылеит Уалид иԥшәмаԥҳәыс Жансет Казанбеи иԥа Халид Маршьани. Уалид Маршьан иԥа асасцәа аԥсшәа раҳәо иазгәеиҭеит ари амш аҭаацәа рзы ишыхҭыс дуу.

"Шьамтәыла иҟоу Кавказ адиаспора ахаҭарнакцәа атәылаҿ имҩаԥысуа аҳәынҭқарратә усқәа зегьы ирылахәуп. Шьамтәылатәи кавказаа, аԥсуаагьы абрахь иналаҵаны аԥсадгьыл ахьчара рлагала ду алоуп. Шәҩык рҟынӡа Нхыҵ Кавказ аԥацәа шьамтәылатәи ар ирылахәны аԥсадгьыл рхы ақәырҵеит. Ҳхада Башар Асад иаԥхьагыларала ҳреспублика еиқәҳархеит. Иара иакәымзар иахьа ара ҳаиқәымшәаргьы ҟаларын. Арахь шәымҩахыҵра ҳаҭырқәҵара дууп. Иҭабуп ҳәа шәасҳәоит", - иҳәеит Халид.

Халид Маршьан Аслан Бжьаниа ҳамҭас ииҭеит Маршьанаа рыхьӡала аинрал абаза иаҳәа.

"Арратә академиа даналгоз иман. Ҳара ҳзы ари хәызмаӡам ҭынхоуп. Агәра згоит шәнапаҿы кьыс шамоуа", - иҳәеит Маршьан.

Жансет Казанба Аслан Бжьаниа ҭабуп ҳәа иалҳәеит дара рахь дахьымҩахыҵыз азы.

"Аҟәа, Уалид иабацәа рыдгьыл аҿы ибаҟа ахьықәыргылоу ахьӡала абри аҳәа ҳамҭас ишәаҭәаҳшьоит. Ҳара ҳзы уи аҵакы дууп. Иаҳҭахуп иара наӡаӡа Аҟәа иҟазарц", -лҳәеит Жансет Казанба.

© Foto / пресс - служба президента РА

Аԥсны ахада ҭабуп ҳәа ахиҳәааит изымҩаԥгаз адкылараз.

"Ҳара ибзианы иаадыруеит шәҭаацәара Шьамтәылазы ирбахьоу аџьабаа. Аинрал Уалид Маршьан ихьӡ хьтәы нбанла иануп Шьамтәыла аҭоурых аҿы аиԥш Аԥсны аҭоурых аҿгьы. Анцәа ду ҳиҳәоит шәҭаацәара еиҵаҭәны рыҟазааразы. Аҭынчреи ашәҭыкакаҷреи Шьамтәыла ажәлар зегьы ирзеиӷьасшьоит", - иҳәеит Бжьаниа.

Аслан Бжьаниеи Валери Кәарҷиеи Уалид Маршьан иҭаацәара агәалашәаратә ҳамҭақәа ранаршьеит.

Аԥснытәи аделегациа Дамаскҟа инеит лаҵара 16 рзы. Лаҵара 17 азы Аԥсны Аҳәынҭқарра ахада Аслан Бжьаниеи Шьамтәылатәи Арабтә Республика ахада Башар Аль-Асади рофициалтә еиԥылара мҩаԥысит Дамаск.

Аекономикатә, ахәаахәҭратә, аҭҵаарадырратә, атехникатә, акультуратә усеицуразы аԥсуа-шьамтәылатә еилакы актәи аилатәара мҩаԥысит Дамаск лаҵара 18 рзы. Уи адагьы Аԥсни Шьамтәылеи рнапы аҵарҩит рбаӷәазақәа русеицуразы аиқәшаҳаҭреи Атуризм аусх аҟны аусеицуразы аиқәшаҳаҭреи.

Аслан Бжьаниа напхгара зиҭо аԥснытәи аделегациа авизит аҳәаақәа ирҭагӡаны аҩаша лаҵара 18 рзы ишьақәырӷәӷәан аҩтәылак рпарламентқәа рыбжьара аиҩызаратә гәыԥ, уи иалалеит шьамтәылатәи адепутатцәа 15-ҩык, иара убас уи аҽны Аԥсны Ахәаахәҭра-ааглыхратә палата абзоурала иаартын Аԥсны ахәаахәҭратә ҩны.

Шьамтәыла Аԥсны ахьыԥшымра азханаҵеит лаҵара 29, 2018 шықәсазы.

4

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

1
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

1

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1