Батал Чежия во время боя за звание чемпиона СНГ в Сухуме

Баҭал Чежьиа Урыстәыла ачемпион ихьӡ азы дықәԥоит

11
(ирҿыцуп 13:18 21.05.2021)
Апромоутертә еилахәыра Gazfight, арепер Баста еиҿикааз, лаҵара 21 азы Москва имҩаԥнагоит раԥхьатәи абокс азы атурнир.

АҞӘА, лаҵара 20 - Sputnik. Аԥснытәи абоксиор Баҭал Чежьиеи урыстәылатәи абоксиор Олег Мисиуреи Урыстәыла ачемпион ититул азы еиндаҭлоит промоушен-еилахәыра Gazfight абокс азы ахәылԥаз аҿы. Абри атәы ааицҳауеит аспортсмен ихаҭарнак Инал Лагәлаа.

"8-раундк иҟоу ақәгылара мҩаԥызгоит. Иӡбоуп Урыстәыла ачемпион ититул азы сшықәгыло. Аиндаҭлараз аҽазыҟаҵарақәа мҩаԥысуан Москва. Сара сыхиоуп, саиааирцгьы сгәы иҭоуп", - ааицҳауеит Чежьиа.

Аспортсмен ихаҭарнак иажәақәа рыла аиндаҭлара алахәхарахь Баҭал днеиԥхьеит Баста.

"Ари промоушен-еилахәыра абоксиорцәа адунеитә бокс ахь рымҩа архиара ахықәкуп. Апромоушен-еилахәыра знык узалашәара аԥеиԥшқәа ҟалоит", - иҳәеит Лагәлаа.

Аиндаҭлара атранслиациа мҩаԥысуеит асааҭ 18:00 рзы Аԥсуа телехәаԥшрала.

Аԥснытәи абоксиор Баҭал Ҷежьиа урыстәылатәи ареитинг аҿы 116-тәи апозициаҿ дыҟоуп, Урыстәыла иреиӷьу жәаҩаҩык дрылахәуп. Иахьазы 12-тәи иқәгыларақәа рҟынтәи жәынтә иааирала ихиркәшахьеит, знык даҵахахьеит, ҩынтә еиҭахарала.

Ажурнал "Про Бокс" аверсиала ИАРи аславиан тәылақәеи дырчемпионуп.

11

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1