Гагра анапхгареи анаплакыҩцәеи ақалақь дырԥшӡоит

22
(ирҿыцуп 18:20 20.05.2021)
Гагра аԥшаҳәа арԥшӡаратә усурақәа раан аԥхынтәи акаҳуажәырҭақәеи ҩбеи ахәаахәҭра апавилионқәа хԥеи ықәган.

АҞӘА, лаҵара 20 – Sputnik, Бадри Есиава. Гагра араион ахадареи анаплакыҩцәеи ақалақь арԥшӡара нап еицаларкит ҳәа Sputnik иазеиҭалҳәеит араион архитектор хада Диана Лобода.

Лара илҳәеит абри аус анагӡара актәи аетап аҳәаақәа ирҭагӡаны ишалагахьоу аремонт-еиҭашьақәыргыларатә усурақәа асасааирҭақәа "Абхазия", "Тотус" ирыԥну аԥшаҳәа.

Аԥшаҳәа арԥшӡаратә усурақәа раан аԥхынтәи акаҳуажәырҭақәеи ҩбеи ахәаахәҭра апавилионқәа хԥеи ықәган.

"Арҭ акаҳуажәырҭақәеи ахәаахәҭырҭақәеи рыргылара азин ҟаҵан 2006 шықәсазы шықәсык русура ҳәа, аха уи ашьҭахь аҿҳәара иацҵамызт. Арендаторцәа ҳрацәажәеит. Дара арҭ адокументқәагьы рымамызт. Архив аҿы иҳаԥшааит аизга-еимыхратә конструкциа аргылара шакәыз ззин рымаз, дара нас уи дырҭбааит. Адокумент аҿы, иара убасгьы, иарбан араион ахадара аӡбрала арҭ аконструкциақәа ианырҳәо иқәгатәуп", - лҳәеит Лобода.

Архитектор илҳәеит акаҳуажәырҭақәа ажәытә шьаҟамҩа ахәҭак шааныркылоз. Сынтәа дара амца ркын иблит. Абас зыбжа еилаҳахьаз ахыбрақәа 2021 шықәса лаҵарамзанӡа игылан.

Ақьырагаҩцәа реиҳараҩык аҭагылазаашьа еилкааны ахыбрақәа рықәгара мап ацәырымкит, аха иҟан активла иаҿагылозгьы.

  • Гагра анапхгареи анаплакыҩцәеи ақалақь дырԥшӡоит
    © Foto / Диана Лобода
  • Гагра анапхгареи анаплакыҩцәеи ақалақь дырԥшӡоит
    © Foto / Диана Лобода
  • Гагра анапхгареи анаплакыҩцәеи ақалақь дырԥшӡоит
    © Foto / Диана Лобода
  • Гагра анапхгареи анаплакыҩцәеи ақалақь дырԥшӡоит
    © Foto / Диана Лобода
1 / 4
© Foto / Диана Лобода
Гагра анапхгареи анаплакыҩцәеи ақалақь дырԥшӡоит

"Акаҳуажәырҭақәа аус аныруазгьы арыцҳацәа рхьыкәкәо иҟан, аӡыргаратә баннерқәак рыкәыршан. Ақалақьуаа иџьаршьон рырԥшӡара зыҟамлозеи ҳәа. Аамҭа раҳҭеит рхала иқәыргарц, аха араион ахадара ахатә харџь ала иқәыргар акәхеит", - лҳәеит Лобода.

Ирыцқьоу аҵакыра арԥшӡара араион анапхгара зобиектқәа ааигәа игылоу анаплакыҩцәа ирыдырҵеит. Лобода лажәақәа рыла дара ақәшаҳаҭхеит, араион ахадарагьы ацхыраара шыҟарҵо рҳәеит.

Ақалақь абри аԥшаҳәахәҭа аура 152 метра иҟоуп, азеиԥш ҵакыра 2000 метр ԥшьыркца. Апроет автор – Ҭимур Чичибаиа.

"Апроект ала амшынԥшаҳәа аныҟәарҭамҩақәа еидҳәалахоит. Аусураҿы ахархәара рыҭахоит еиуеиԥшым ақәҵахкқәа, аҵиаақәа, ашәҭқәа. Аҵлақәа рымҵан адгьыл хтымзарц амармалташьхаҳәрддеи аԥсаӡҵла ацәеи рыла ихҟьахоит", - лҳәеит архитектор.

Аусурақәа мышқәак раԥхьагь ихыркәшахар акәын, аха иазыԥхьагәаҭамыз арҭ аҭагылазаашьақәа ирхырҟьаны аҿҳәара инахан. Ҩымчыбжь, хымчыбжь рыла зегь еиҿкаахоит. Аҵлақәа реиҭаҳара аамҭагь инахоуп иахьшоурахаз азы.

2021 шықәса ааԥынразы Гагра ақәыԥшратә бырбал аргылара иалагеит акоммерциатә еилахәыра. Лобода ишылҳәо ала аттракцион аҵакыра иаԥну апарктә зона апроект рхиоуп, аттаркцион зыргыло уи анагӡара рхахьы иргеит.  Апарктә зона аура 132 метра иҟоуп, аҵакыра -  2500 метр ԥшьыркца.

Араион ахадареи анаплакыҩцәеи еилацәажәеит аусурақәа зегьы еиқәшаҳаҭрыла аицпроектқәа инарықәыршәаны ишымҩаԥырго азы.

22

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4