День памяти жертв Кавказской войны

Кавказтәи аибашьра иалаӡыз ргәалашәара: Аҟәа имҩаԥгахо ауснагӡатәқәа

16
Лаҵара 21 1864 шықәса Кавказтәи аибашьра аҵыхәтәантәи амш ауп. Абри ашьҭахь зықьҩыла аԥсуаа рҭоурыхтә ԥсадгьыл ааныжьны Ҭырқәтәылаҟа, нас егьырҭ атәылақәа рахь имцар ада ԥсыхәа рмоуит.

АҞӘА, лаҵара 21 - Sputnik, Селма Базԥҳа. Кавказтәи аибашьра иалаӡыз ргәалашәара азгәаҭаразы ауснагӡатәқәа мҩаԥгахоит Аҟәа лаҵара 21 азы, абри атәы Sputnik иазеиҭарҳәеит Аԥсны аԥсадгьыл ахь ахынҳәразы аилак аҿы.

Адунеизегьтәи аԥсуа-абаза конгресси аилаки еицымҩаԥыргараны иҟоуп амҳаџьырқәа ирызку афотоцәыргақәҵа. Ацәыргақәҵа аадыртуеит Амҳаџьырқәа рыԥшаҳәаҿы игылоу Амемориал аҿаԥхьа.

Асааҭ 16:00 рзы Аԥсуа драматә театр аҿы иддырбоит аспектакль "Ацынҵәарах".

Асааҭ 20:00 рзы амшын аԥшаҳәаҿы алашарбагақәа кны имҩасуеит, "Нарҭаа рымца" еиқәырҵоит, иадыркуеит "ашьамаҟа", ашәҭқәа амшын ихырҵоит.

"Традициа ҳасабла Кавказтәи аибашьра иалаӡыз рмемориал ахь инеиуеит атәыла анапхгара, астудентцәа, ашколхәыҷқәа, зыԥсадгьыл иазыхынҳәыз аԥсуаа. Арҭ ахҭыс еиқәаҵәақәа ирылаӡыз зықьҩыла аԥсуаа ргәаладыршәоит",- рҳәеит Аҳәынҭеилак аҿы.

Гагра абри амш асааҭ 17:00 азы апавилион аҟынтәи ахьыԥшымра Амемориал аҟынӡа амҩасра мҩаԥыргоит, ашәҭшьыҵәрақәа шьҭарҵоит.

Гәдоуҭа асааҭ 10:00 рзы  амҳаџьырцәа ргәалашәара Амемориал аҿаԥхьа ашәҭшьыҵәрақәа шьҭарҵоит.

Очамчыра ауснагӡатәқәа ирылагоит асааҭ 19:00 рзы амшын аԥшаҳәаҿы. Амшын ихырҵоит ашәҭшьыҵәрақәа.

XIX ашәышықәсазы, еиуеиԥшым аҭоурыхтә мзызқәа ирыхҟьаны зықьҩыла аԥсуаа рҭоурыхтә ԥсадгьыл ааныжьны Ҭырқәтәылаҟа имцар ада ԥсыхәа рымамызт. Аԥсуа мҳаџьырцәа рхылҵшьҭрақәа 50 тәыла рыҟны инхоит. Хыԥхьаӡара рацәала аԥсуа диаспора Ҭырқәтәыла инхоит.

16

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4