Арт-фестиваль "Уаҵәы иахьа иалагоит" Аҟәа иаатит

16
(ирҿыцуп 11:42 21.05.2021)
Арт-фестиваль "Уаҵәы иахьа иалагоит"- аилахәыра Colors of Nation еиҿнакааз, Аҟәатәи амшынтә баӷәазаҿы имҩаԥгахоит лаҵара 20-27 рзы.

АҞӘА, лаҵара 21– Sputnik, Бадраҟ Аҩӡба. Арт-фестиваль "Уаҵәы иахьа иалагоит" Аҟәа иаатит лаҵара 20 азы.

"Ҳкоманда аҟазара абызшәала ицәажәоит. Москватәи асас даҳҭоуп, аҭыԥантәи асахьаҭыхыҩцәа ҳҭоуп. Афестиваль аҿы ҳалацәажәар ҳҭахуп ҳаамҭазтәи аҟазара", - лҳәеит афестиваль аиҿкааҩ, Colors of Nation ахаҭарнак Анна Савилова.

© Sputnik / Томас Тхайцук
Арт-фестиваль "Уаҵәы иахьа иалагоит" Аҟәа иаатит

Урыстәылатәи асахьаҭыхыҩ Макс Гошко-Даньков, аҟәатәи амшынтә баӷәаза шәыгала изҩычарц иааз, аимак-аиҿак иалахәын аҭыԥантәи асахьаҭыхыҩцәа– Аруҭан Ҷыҭанаа, Гуранда Барцыцԥҳа, Анана Ломиаԥҳа.

Асахьаҭыхыҩцәа ҳаамҭазтәи аҟазара шыҿио, русураҿы иарбан техникоу рхы иадырхәо, избан арҿиара рнапы залаку уҳәа ирылацәажәеит.

"Сара сгәаанагарала Аԥсны макьана ҳаамҭазтәи аҟазара иазыҟаҵам, аха ҳара маҷ-маҷ уи аилкаарахь амҩа ҳануп", -лҳәоит Анана Ломиаԥҳа.

Гуранда Барцыцԥҳа иазгәалҭеит лара лзы иахьатәи аҟазара иҟоу аԥсҭазаара  аныԥшроуп иаанаго ҳәа.

"Дасу изы ҳаамҭазтәи аҟазара хаз-хазуп. Сгәы иаанагоит зынӡа иавангардны иҟамзароуп ҳәа. Иаауыкәыршаны иҟоу адунеи шубо аныԥшуазароуп", - лҳәеит лара.

© Sputnik / Томас Тхайцук
Арт-фестиваль "Уаҵәы иахьа иалагоит" Аҟәа иаатит

Арутан Ҷыҭанаа иазгәеиҭеит Аԥсны асахьаҭыхыҩцәа аиҳарак аклассикатә жанр аҿы аус шыруа.

"Ҳаамҭазтәи аҟазара акәзар, уи аамҭа иаҳнарбоит. Аҿиара аҭахуп абри аганахь ала", - иҳәеит иара.

Макс Гошко-Даньков иҳәеит асахьаҭыхыҩцәа шеиуеиԥшым, аха зегьы ҳаамҭазтәи аҟазара акапсула шаԥырҵо.

Арт-фестиваль "Уаҵәы иахьа иалагоит" апрограммаҿ– аилацәажәарақәа, афильмқәа рырбара.

Апроект партниорцәас иамоуп: Аҟәа ақалақь ахадара, Амшынтә баӷәаза, аилахәыра "Аквафон",  Sputnik Аԥсны.

16

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4