Гәдоуҭа иргәаладыршәеит Кавказтәи аибашьра иалаӡыз

13
(ирҿыцуп 12:24 21.05.2021)
Лаҵара 21 1864 шықәсазы Кавказтәи аибашьра хыркәшахеит. Иара иахҟьаны зықьҩыла аԥсуаа рыԥсадгьыл ааныжьны Османтәи аимпериахь ииасит, нас уантәи адунеи егьырҭ атәылақәа рахь инанагеит.

ГӘДОУҬА, лаҵара 21 - Sputnik, Бадри Есиава. Гәдоуҭа иахьа иргәаладыршәеит Кавказтәи аибашьра иалаӡыз ҳәа ааицҳауеит Sputnik акорреспондент.

Ацеремониа мҩаԥысит аҭыԥантәи архитектор Игор Смыр амҳаџьырқәа ирызкны иргылаз амемориал амҵан.

Амемориал аԥсуаа рыԥсадгьыл аҟынтәи иқәганы изгоз аҭырқәа ӷба "Маҳмудиа" иасимволуп. Амемориал иргылеит архитектор Игор Смыр 2018 шықәсазы ақалақь амшынтә баӷәазаҿы.

Араион анапхгара, аҳәынҭқарратә усбарҭақәа русзуҩцәа, ауаажәларра амемориал аҿаԥхьа ашәҭшьыҵәрақәа шьҭарҵеит.

Гәдоуҭа араион ахада ихаҭыԥуаҩ Валери Аҩӡба иажәақәа рыла ари амш араион аҿы есышықәса иазгәарҭоит. Усҟантәи ахҭысқәа рхыԥша иахьагьы ҳажәлар ирныруеит иҳәеит иара.

"Зҭоурых, зфырхацәа ргәалашәара аиқәырхара злымшаз жәларыкынгьы ахеиқәырхара рылшом. Ҭабуп ҳәа иасҳәоит Игор Смыр абри амш азы абри аҭыԥ ахь ҳааиртә аҭагылазаашьа ахьҳаиҭаз азы", - иҳәеит иара.

Гәдоуҭатәи араионтә еизара ахантәаҩ ихаҭыԥуаҩ Валери Малиа иҳәеит, ажәлар шжьаз, уи атрагедиахь ишкылнагаз.

"Ауаа ирылалан ирарҳәон Ҭырқәтәыла. Агәра ргеит" - иҳәеит Малиа.

© Sputnik / Бадри Есиава
Гәдоуҭа иргәаладыршәеит Кавказтәи аибашьра иалаӡыз

Шьамтәылантәи зыԥсадгьыл иазыхынҳәыз Салаҳ Леиба аа-шықәсоуп Аԥсны дынхоижьҭеи. Иара иажәақәа рыла абызшәа аиқәырхара шрылымшазгьы амҳаџьырцәа рхылҵшьҭрақәа рыԥсадгьыл ргәы ишҭаз иаанханы иҟоуп.

XIX ашәышықәсазы, еиуеиԥшым аҭоурыхтә мзызқәа ирыхҟьаны зықьҩыла аԥсуаа рҭоурыхтә ԥсадгьыл ааныжьны Ҭырқәтәылаҟа имцар ада ԥсыхәа рымамызт. Аԥсуа мҳаџьырцәа рхылҵшьҭрақәа 50 тәыла рыҟны инхоит. Хыԥхьаӡара рацәала аԥсуа диаспора Ҭырқәтәыла инхоит.

13

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4