Аҟәа ақалақь ахадара Чики Никеи рыскульптурақәа ахьцаз рҳәеит

© Sputnik / Акоп КущянЧик
Чик - Sputnik Аҧсны, 1920, 22.05.2021
Анапаҵаҩра
Чики Никеи рыскульптурақәа аурыс, аԥсуа шәҟәыҩҩы Фазиль Искандер иажәабжьқәа рҟынтәи аперсонажқәа роуп, дара Аҟәа Амҳаџьырқәа рыԥшаҳәаҿы ишьақәыргылоуп.

АҞӘА, лаҵара 22 – Sputnik, Асмаҭ Ҵәыџьԥҳа. Фазиль Искандер иажәабжьқәа рперсонажқәа Чики Никеи ықәган дара зықәгылаз атумбақәа ареставрациа ахьырзыҟарҵо инамаданы ҳәа Sputnik иазеиҭеиҳәеит "Ақалақьргылара" аусбарҭа аиҳабы Асҭамыр Ԥиԥиа.

© Sputnik / Томас ТхайцукЧики Никеи
Аҟәа ақалақь ахадара Чики Никеи рыскульптурақәа ахьцаз рҳәеит - Sputnik Аҧсны, 1920, 22.05.2021
Чики Никеи

Иара иажәақәа рыла, Амҳаџьырқәа рыԥшаҳәаҿы атумбақәа рреставрациа иалагеит жәамш раԥхьа, иагьхыркәшахоит рашәарамза анҵәамҭазы. Аусурақәа мҩаԥысуеит Аҟәа ақалақь ахадара ахарџь ала.

"Атумбақәеи агәашьақәеи акапиталтә ремонт рзухоит, акаҳуажәырҭа "Пингвин" инаркны Алашарбага ахаҵәирҭаҟынӡа атумбақәеи апарапетқәеи рыцқьаны иршәуеит. Урҭ зынӡа 150 цыра ыҟоуп. Иара убас аԥшаҳәа зегьы иаваршәны акабель ҿыц шьҭаҳҵоит, х-километрак раҟара. Уажәы иҟоу акабель амшын џьыкахыш ибжьнахит, аплафонқәагьы џьара-џьара аус руӡом", - иҳәеит иара.

Чик. Работа Архипа Лабахуа - Sputnik Аҧсны, 1920, 30.01.2015
Архип Лабахәуа иџьашьахәу идунеи

Чик акәты кны дахьгылоу аскульптура Амҳаџьырқәа рыԥшаҳәаҿы ицәырҵит 2011 шықәса цәыббрамзазы. Уи автор - Архип Лабахәуа иоуп. Ника апатефон кны дахьтәоу аскульптура шьақәыргылан 2013 шықәса. Апатфон АУН "Аиқәыршәаразаара" ахь ареставрациазы иган 2020 шықәса  нанҳәамзазы.

Аскульптурақәа зықәгылаз атумбақәа шдырҿыцлак еиԥшҵәҟьа Чики Ника лпатефони лареи рҭыԥ ахь ихынҳәуеит ҳәа азгәеиҭеит Ԥиԥиа.

2018 шықәсазы Аҟәа аԥшаҳәаҿы игылоу аԥсуа лакә аперсонаж Ҭаҷкәым искульптура амца ацрарҵеит, анаҩс иқәганы иргоит ҳәагьы иалагеит, аха ирзымгеит. Убри аан иԥхасҭахеит инапаҿы иику ахаҳә аӡы алихуазшәа иҟалартә аӡы зланеиуаз аӡымҩангагақәа ҩба.

© Sputnik / Томас ТхайцукҬаҷкәым
Аҟәа ақалақь ахадара Чики Никеи рыскульптурақәа ахьцаз рҳәеит - Sputnik Аҧсны, 1920, 22.05.2021
Ҭаҷкәым

Аҟәа ақалақь ахадара Ҭаҷкәым искульптура аремонт азнауит. Аха аамҭақәак рышьҭахь аӡы ҩаԥхьа анеира иаҟәыҵит. Уи апроблема иахьазы ирыӡбо ирымӡбо азы азҵаара "Ақалақьргылараҿы" аҭак рзыҟамҵеит.

Ажәабжьқәа зегьы
0