Аԥсны Амҵәышәымпыл азы афедерациа ахада ҿыц: аҿиара апрограмма аҭахуп

5
Ерасҭ Агәмаа Аԥсны амҵәышәымпыл азы Афедерациа ахадас далырхит аҳасабырба-алхратә конференциаҿ мчыбжьык аԥхьа.

АҞӘА, лаҵара 25 – Sputnik. Аԥсны амҵәышәымпыл аҿиаразы апрограмма ҿыц адкылара аҭахуп ҳәа иҳәеит арадио Sputnik аинтервиу аҭо ауаажәларратә еиҿкаара ахада ҿыц Ерасҭ Агәмаа.

"Ари азҵаара Афедерациа алахәылацәеи сареи ҳалацәажәахьеит. Хара имгакәа иазԥхьагәаҭоуп азеиԥш еизара, нас – аконференциа. Ирылацәажәахоит еиуеиԥшым азҵаарақәа. Сақәгәыӷуеит атәыла ахадара адгылара ҳарҭап ҳәа", - иҳәеит иара.

Агәмаа иара убасгьы деигәыӷуеит ари спортхк бзиа избо рҟынтәи аилкаареи адгылареи ҟалап ҳәа.

"Апрограмма аус аднаулалоит Афедерациа анагӡаратә еилакы, амҵәышәымпыл закәу еилызкаауа. Азыҟаҵаҩцәа, ари аспортхкы ԥхьаҟа аҿиашьа шаҭатәу еилызкаауа. Аиҳарак азхьаԥшра аҭахоит ахәыҷтәы, ақәыԥштә мҵәышәымпыл. Аха убри аан иахьагьы ихәмаруа ҳветеранцәагьы ацхыраара рҭахуп", - ҳәа иҳәеит иара.

Акраамҭа аиҿкаара ахада дшамамызгьы, ҭыԥк аҿы игылан ҳәа узҳәом. Имҩаԥысуан еиуеиԥшым атурнирқәа, аҭыԥантәи акоманда атәыла анҭыҵҟа ицон. Аха убри аан амҵәышәымпыл аҿиара ҿыц аҭахуп ҳәа иҳәеит Ерасҭ Агәмаа.

"Атәыла анҭыҵ ҳхы дҳарбароуп, иаҳҳәап Алада Урыстәыла акәзаргьы. Акадрқәа ԥшаалатәуп. Ус ҟаиҵон сазыҟаҵаҩ Александр Михаил-иԥа Седов. Ашколқәа зегьы дырхысны аҟыбаҩ ҷыда змаз аликаауан, амҵәышәымпылтә школ аҿиара аиуразы", - иҳәоит иара.

Агәмаа иазгәеиҭеит Аԥсны Аҳәынҭеилакы ахантәаҩы Џьамал Гәбази иареи шеицәажәаз акомиссиа аԥҵаразы. Акомиссиа азыҟаҵаратә усурахь инеиуа асертификат рыҭаразы рҟазара ҭырҵаалоит.

5

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4