Мықәтәи аӡеизакырҭа аиҭашьақәыргылара миллион мааҭк рҟынӡа ақәхарџьхоит

15
(ирҿыцуп 15:26 25.05.2021)
Аԥсны ахада Аслан Бжьаниа, ахада Иусбарҭа анапхгаҩы Алхас Кәыҵниа, Очамчыра араион ахада Беслан Бигәаа Мықә ақыҭаҿтәи аӡеизакырҭа иаҭааит лаҵара 22 рзы.

АҞӘА, лаҵара 25 - Sputnik. Мықә ақыҭаҿтәи аӡеизакырҭа адамбақәа рырӷәӷәареи Дәаб аӡиас аӡыршьҭра аиҭакреи хара имгакәа ирылагараны иҟоуп ҳәа арадио Sputnik иазеиҭеиҳәеит Очамчыра араион ахада ихаҭыԥуаҩ Артемон Габилаиа.

Иара иажәақәа рыла, Очамчыра араион Мықә ақыҭаҿтәи аӡеизакырҭаҟынтә аӡы ахала ақыҭақәа Мықә, Араду, Маркәыла ахәҭак ирызнеиуеит. Аӡеизакырҭа иавсуа Дәаб анхыҵуа аамҭазы адамбақәа ҵнаӡәӡәаауеит. Абри аан ақалақь ӡыда иаанхоит.

"Асеиԥш иҟоижьҭеи акыр шықәса ирықәуп. Хатәымчла аҭагылазаашьа еиҭаҳкып ҳәа ҳалагахьеит, аха аҟәарарӷәӷәара ада уи залыршахом. Аӡыршьҭра еиҭаагар, аӡеизакырҭаҿ аӡы лаҟәуеит, арахь аӡыршьҭра еиҭакымзар ауам, избанзар усҟан ақалақь ӡыда иаанхоит. Адамба абжеиҳара ҵшәаауп. Уи арӷәӷәара ҳамч ақәхаӡом", - ҳәа иҳәеит иара.

Лаҵара 22 рзы аобиект даҭааит Аслан Бжьаниа. Габилаиа иажәақәа рыла, аусурақәа рымҩаԥгара анапы иануп "Аԥсныҟәарахьчара".

Аӡеизакырҭа аремонт асмета ҵыԥхгьы ишьақәдыргылахьан. Миллионк инеиҳаны иазоужьуп аӡыршьҭра аиагара ҳәа иҳәеит Габилаиа.

15

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

11
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

11

Аҟәа иҟалаз абылра ахәҭак ырцәоуп

8
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

8