Урыстәылеи Аԥсни рҳазалхратә маҵзурақәа аԥхынразы русеицуратә еинырра иалацәажәеит

3
(ирҿыцуп 16:44 25.05.2021)
Аиԥылара алахәылацәа аҳазалхратә процедурақәа роптимизациа иазырхоу ауснагӡатәқәа ирылацәажәеит.

АҞӘА, лаҵара 25 - Sputnik. Урыстәылеи Аԥсни рҳазалхратә маҵзурақәа аԥхынразтәи акурорттә сезон аан русеицуратә еинырра иалацәажәеит. Абри атәы аанацҳауеит Краснодартәи аҳазалхырҭа апресс-маҵзура. Аԥсни Урыстәылеи рҳазалхратә маҵзурақәа рхаҭарнакцәа реилацәажәара мҩаԥысит Шәача.

Аганқәа алацәажәеит аҳазалхырҭатә гәаҭара аҭыԥ ахысра арццакра азҵаара. Иазгәаҭан аушьҭырҭатә ҭыԥ "Адлер" аҟны аушьҭра арццакра аҳәааҿы аус зуа аусбарҭақәа зегьы реинырра ишадҳәалоу.

Ишдыру еиԥш аҳәааҿы агәаҭара-хылаԥшратә ҭыԥқәа рҿы ауадаҩрақәа аԥхынтә сезон азы иазҳауеит. Убас, нанҳәамза ашыкьымҭазы аҳәаа иахысуеит 1,5 миллионҩык ахатәхаҿқәеи, 500 нызқь транспорт хархәагеи.

Уи адагьы аилацәажәараан иахәаԥшын аекскурсиатә автобусқәа рыла аҳәаа иахысуа атуристцәа хылаԥшра рыҭараан амаҵзурақәа реинырра азҵаара. Шәачатәи аҳазалхырҭа адыррақәа рыла бжьаратәла акурорттә сезон аан есыҽны 200 автобус аҳәаа иахысуеит, урҭ рымаҵ аура ацәаҳәа цҵақәа рҿы аԥыжәара аҭаны имҩаԥыргоит.

Аиԥылара алахәылацәа азааҭгылеит аҳазалхратә операциақәа ирыдҳәалоу арҽеирақәа, аҳәаа иахысуа аидарақәа рхылаԥшреи реиҿкаареи апроцессқәа. Иазгәаҭан аҵыхәтәантәи ашықәсқәа рзы аизҳара шаиуз аԥснытәи ашәыр-ргәыцтә аалыҵи ауыҭраҭых аалыҵи аҳәаа рахыгара. Убас, 2020 шықәсазы Аԥснынтәи аҳәаа иахыган 300 тонна аҵыҵындра, сынтәа иазыԥхьагәаҭоуп 800 тонна.

  • Урыстәылеи Аԥсни рҳазалхратә маҵзурақәа аԥхынразы русеицуратә еинырра иалацәажәеит
    © Foto / пресс-служба таможни краснодарской таможни
  • Урыстәылеи Аԥсни рҳазалхратә маҵзурақәа аԥхынразы русеицуратә еинырра иалацәажәеит
    © Foto / пресс-служба таможни краснодарской таможни
1 / 2
© Foto / пресс-служба таможни краснодарской таможни
Урыстәылеи Аԥсни рҳазалхратә маҵзурақәа аԥхынразы русеицуратә еинырра иалацәажәеит

Аԥснытәи аган ахаҭарнакцәа иазгәарҭеит аҳазалхырҭатә усбарҭа ҷыда (СТО) аусура актуалра аекспорттә еидара аиҿкаара арццакраҿы.

Азхьаԥшра аҭан аҳазалхартә документқәа реиҿкаара агармонизациа ахәаахәҭратә еикәыршараҿы, урҭ релектронтә харҭәаарагьы абрахь иналаҵаны. Убри инадҳәаланы атәылақәа рҳазалхратә маҵзурақәа рыбжьара адокументеимдара мҩаԥысуеит аҳазалхратә ҭышәныртәалара аусхк аҟны.

Азхьаԥшра ҷыда аҭан ЕАЕС аҳазалхратә ҵакырахь ахатәхархәараз атранспорт хархәагақәа аамҭала ахатәхаҿқәа – Урыстәыла иарезидентцәам, аҳәаа ианахырго аԥҟарақәа реилагара азҵаара.

Аилацәажәара аихшьаалала алахәылацәа еиқәшаҳаҭхеит ԥхьаҟатәи аицусура ахырхарҭақәа еицҳәаақәырҵарц. Анаҩстәи жәларбжьаратәи аилацәажәара азыԥхьагәаҭоуп цәыббрамзазы Аԥсны аҵакыраҿы.

3

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

10
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

10

Аҟәа иҟалаз абылра ахәҭак ырцәоуп

8
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

8