Аԥсны ААР иҿаԥнаҽуеит амилициа аусзуҩцәа атурист ддыргәаҟуан ҳәа игәараҵоу аинформациа

16
(ирҿыцуп 19:51 25.05.2021)
"Медиазона" иакьыԥхьит Санкт-Петербургтәи аԥсшьаҩы Артиом Русских 2021 шықәса мшаԥымзазы Гагра амилициа аусзуҩцәа дааныркылеит анаркотикқәа алаирҵәоит ҳәа иҟаз агәаанагаразы, дыргәаҟны аинформациа имхра аҽазышәра ыҟан ҳәа.

АҞӘА, лаҵара 25 – Sputnik, Бадри Есиава. Аԥсны аҩныҵҟатәи аусқәа рминистрраҟны иаҿаԥырҽуеит Урыстәыла атәылауаҩ Артиом Русских Гагра, амилициа аусзуҩцәа дрыпҟеит ҳәа игәараҵо аинформациа.

Аусбарҭа апресс-маҵзураҿы ишырҳәо ала амаҵзуратә гәаҭараан ишьақәыргылан абри аамҭазы Русских Гагра араионтә ААР аҷаԥшьаратә хәҭахьы днаган ихаҭара ашьақәыргыларазы, иара атуристтә ԥсшьарҭақәеи амаршрутқәеи рынҭыҵ иҟазаара иахырҟьаны.

"Мамзышьха иахьаҵанакуа аҭыԥқәа уахи-ҽни амилициатә патруль ахылаԥшра мҩаԥыргоит азинеилагарақәеи ацәгьоурақәеи раԥырҟәҟәааразы, хаҭала изакәанымкәа анаркотикқәеи аԥсихотроптә хархәагақәеи реикәыршара алмыршаразы. Аҷаԥшьаратә хәҭахьы инарго ахьҭарыҩуа ажурнал аҿы иарбан атәылауаҩ Русских А. А. 2021 шықәса мшаԥы 7 асааҭ 18:20 азы аҷаԥшьаратә гәыԥ дышнаргаз, аҭагылазаашьа анеилкааха ашьҭахь, асааҭ 20:40 ихы дшақәиҭтәыз", - рҳәеит аминистрра апресс-маҵзураҿы.

Абри аинформациа аҭҵаара анапы алакуп Аԥсны ААР ахатәшәарҭадара аусбарҭа, урыстәылатәи АИХ ахаҭарнак иҟынтәи азыҳәа шьаҭас иҟаҵаны.

Иара Русских ихаҭа иҟынтәи зыҳәа аусбарҭахь инашьҭым.

"Медиазона" асаит аҿы лаҵара 24 рзы икьыԥхьын Артиом Русских иҩызцәеи иареи Мамзышьхаҟа ихалеит аҭыԥ ԥшӡарақәа рҿы рфотосахьақәа ҭырхырц. Ара иҟоу абырзен жәытә ԥсыжырҭа абаразы уахь инеиз иҩызцәа дрыцрыҵит, Русских иааԥсара иахҟьаны. Ахәылбыҽха иҩызцәеи иареи шеивнагаз еилкааны амҩа даныланы ашьхарантә дылбаауан, усҟан ауп амилициа аусзуҩцәа аниқәшәозгьы.

Русских иажәақәа рыла азинхьчаратә усбарҭақәа рхаҭарнакцәа автомашьына дҭаланы аҟәшахь дрыцнеирц иарҳәеит ихаҭара ашьақәыргыларази ишәҟәқәа ргәаҭарази. Аҿахәҿыхраан амилициа аусзуҩцәа иара Аԥсныҟа иара шьаҭас иамоуи, анаркотикқәа алаирҵәо иалаимырҵәо ҳәа иазҵаауан. Асасааирҭаҿтәи иномер аҿы агәаҭара мҩаԥган.

"Медиазона" ишаҩуа ала амилициа аҟәшахьы инеиит Русских иԥсы ицызшьоз аҭыԥҳацәа. Дара иара дрыԥшааит иҭел агеолокациа ала. Атурист доурышьҭит, аха нас амилициа автомашьына рыхьӡан ақьаадқәа рхарҭәааразы деиҭахынҳәырц иарҳәеит. Аҿахәҿыхра кыдцарыла имҩаԥган. Рызҵаарақәа аҭак анырмоу амилиционерцәа Русских абнарахь дганы дрыпҟеит, атапанча иҿакны ддырҳәацәон, аӡы дӡаадырҟәрылон ҳәа. Атурист иҿы иқәшаҳаҭымхеит. Асааҭ 6:00 рзы иҩызцәеи иареи Урыстәыла аҳәаахь инаганы иоурышьҭит.

Русских шәачатәи аклиникақәа руак аҿы амедицинатә гәаҭара дахыжьын: иваҵкьарақәа хԥа ԥҵәоуп, иҷаҷа ааха амоуп, ицәеижь аҿы ашәытарақәа азгәаҭоуп. Атуристцәа Урыстәыла Апрокуратура хадахьы, Аԥсны Апрокуратура хадахьы арзаҳалқәа рҩит ҳәа аҩуеит акьыԥхьымҭа. Sputnik азыԥшуп ари аинформациа Аԥсны Апрокуратура хада аҭак шыҟанаҵо.

16

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1