Аслан Бжьаниа атуристцәа рхыԥхьаӡара рацәахарц иҟаҵатәу далацәажәеит

6
(ирҿыцуп 18:35 25.05.2021)
2021 шықәсазы Аԥсны миллионки бжаки рҟынӡа аԥсшьаҩцәа ирзыԥшуп. Лаҵарамзатәи аныҳәақәа раан атәыла иаҭааит 150 000-ҩык рҟынӡа атуристцәа.

АҞӘА, лаҵара 25 – Sputnik. 2030 шықәсазы х-миллионҩык рҟынӡа атуристцәа атәыла радыԥхьалареи рыдкылареи рзы иаԥҵатәуп 60 000 иара-ҭыԥ, абри атәы иҳәеит Аԥсны ахада Аслан Бжьаниа "Аргументы и Факты" аинтервиу аҭо.

"Уи адагьы иахәҭаны иҟоуп атранспорттә инфраструктура. Аҳаирбаӷәаза адагьы амшын баӷәаза аусура иаларгатәуп. Ари азҵаара Урыстәыла ахада Иусбарҭаҿы салацәажәахьеит. Иҟоуп ажәалагала аҟәатәи амшынтә баӷәаза Амшынеиқәатә круизқәа рылакразы. Ари ҳара ҳзы иморалтә дгылара духоит, ауаа ирбозароуп ҳаинырра алҵшәақәа шамоу", - иҳәеит иара.

Ахада игәаанагарала Аԥсны туристда инхом егьырҭ акурортқәа аартхаргьы.

"Еснагь аҭахызаара зцу аалыҵ азҳархиароуп. Рацәак ибеиам изырхо аалыҵ. Ҳара ҳҟынӡа ааира мариоуп. Ҳаигәылацәоуп. Ихадароу аҭагылазаашьа бзиақәа раԥҵароуп", - иҳәеит ахада.

Бжьаниа иазгәеиҭеит Аԥснеиԥш аекологиа ахьыԥхасҭатәым аҭыԥ аԥшаара уадаҩуп.

"Ааигәа зыргылара иаҿу атуристтә аобиект ҳаҭан. Аӡы акәыуақәа, адыӷаџьиақәа ҭоуп, уи иаанаго аекологиа цқьоуп", - иҳәеит иара.

2020 шықәсазы атуристтә сезон ихьшәаны иалагеит аԥкрақәа ирхырҟьаны. Нанҳәеи жьҭаареи ирыбжьаркыз аамҭала Аԥсны иаҭан 600 нызқьҩык атуристцәеи аԥсшьаҩцәеи.

Лаҵарамзатәи аԥсшьарамшқәеи заанаҵтәи аҿаҵарақәеи рзы аинформациа иаҿырԥшны 2021 шықәса аԥхынтә сезон рекордтәхоит ҳәа арадио Sputnik иазеиҭеиҳәеит Аԥсны АШәМ ахантәаҩы ихаҭыԥуаҩ Руслан Латипов.

Лаҵара 13 - 15 рзы Аҟәа имҩаԥысит Жәларбжьаратәи атурфорум "Аԥсны-Аԥсынтәыла". Иара иалахәын Урыстәыла 60 регион рҟынтәи ажурналистцәа, аҭыжьымҭа "Аргументы и Факты" ахаҭарнакцәа.

6

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4