Аслан Бжьаниа Аԥсны акоронавирустә ҭагылазаашьа уахылаԥшыртә иҟоуп иҳәеит

10
(ирҿыцуп 01:24 26.05.2021)
Лаҵара 25 рызтәи адыррақәа рыла Аԥсны акоронавирус зцәа иаланы иаадырԥшыз ауаа рхыԥхьаӡара 15218-ҩык ыҟоуп, ргәы бзиахеит 14430-ҩык, рыԥсҭазаара иалҵит 230-ҩык.

АҞӘА, лаҵара 26– Sputnik. Аԥсны ахада Аслан Бжьаниа Аԥсны акоронавирустә ҭагылазаашьа уахылаԥшыртә иҟоуп ҳәа иҳәеит аҭыжьымҭа  "Аргументы и Факты" аинтервиу аҭо.

"Ибзианы иаадыруеит акоронавирус закәу, аҿагыларазгьы иахәҭоу зегь ҟаҳҵоит. Уи азы иаԥҵоуп амедицинатә усҳәарҭақәа рҿы иахәҭоу аҭагылазаашьақәа. Урыстәылагьы абри аус аҿы ацхыраара ҟанаҵоит", - иҳәеит иара.

Ахада иажәақәа рыла, иазԥхьагәаҭоуп мызки бжаки рыҩнуҵҟа ф-нызқьҩык алаҵа рзыҟаҵара.

Акоронавирустә инфекциаҟынтәи алаҵа "Спутник V" Аԥсны ауаа ирыларҵо иалагеит лаҵара 12 рзы. 6500 доза алаҵа "Спутник V" Аԥсныҟа иааргеит мшаԥы 30 рзы. Алаҵа "Спутник V" Аԥсны ауаа ирыларҵо иалагеит лаҵара 12 рзы.

Лаҵара 25 рызтәи адыррақәа рыла Аԥсны акоронавирус зцәа иаланы иаадырԥшыз ауаа рхыԥхьаӡара 15218-ҩык ыҟоуп, ргәы бзиахеит 14430-ҩык, рыԥсҭазаара иалҵит 230-ҩык.

10
Атемақәа:
Аҿкычымазара – акоронавирус Аԥсни адунеи аҿи: иалкаау (1292)

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау (1292)

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4