"Гагра" ашьапылампыл азы ачемпионат атурниртә таблица ахаҿы игылоуп

11
(ирҿыцуп 19:12 27.05.2021)
Ашьапылампыл азы Аԥсны XXVIII ачемпионат иалахәуп аа-командак. Ачемпионат мҩаԥысуеит ҳазҭоу ашықәса мшаԥы 20 инаркны абҵарамзанӡа.

АҞӘА, лаҵара 27 – Sputnik. Ашьапылампыл азы Аԥсны ачемпионат афбатәи атур хыркәшахеит, абри атәы аанацҳауеит атәыла Ашьапылампылтә федерациа.

Ашьапылампыл азы Аԥсны ачемпионат афбатәи атур иалагеит лаҵара 23 рзы. Галтәи "Самырзаҟан" иара астадион аҿы иаднакылоит афонҿыцтәи акоманда. Аиԥылара мҩаԥысит 14:0 ҳәа афонтәи акоманда аиааирала.

Лаҵара 24 азы "Шахтиори" "Риҵеи" рыхәмарра мҩаԥысит Витали Дараселиа ихьӡ зху Очамчыратәи астадион аҿы. Ахәмарра еилгеит еиҭахарыла – 1:1.

Аҳҭнықалақь акомандақәа "Динамои" "Нарҭи" лаҵара 25 азы еиԥылеит. 1:0 ҳәа "Динамо" аԥыжәара агеит.

Акомандақәа "Гагреи" "Саӡи" рыхәмарра 3:1 ҳәа ихыркәшан.

Атурқәа фба реихшьаалала акоманда "Гагра" 15 очко аманы атурниртә таблицаҿ аԥхьагылара амоуп. Аҩбатәи ацәаҳәаҿы игылоуп "Риҵа" 13 очко аманы, ахԥатәи аҭыԥ аҿы –"Динамо" 12 очко аманы.

XXVIII ашьапылампыл азы Аԥсны ачемпионат иалахәуп акомандақәа ааба: "Саӡ" – Цандрыԥшь, "Гагра" – Гагра, "Афон" – Афон ҿыц, "Риҵа" – Гәдоуҭа, "Динамо" – Аҟәа, "Нарҭ" – Аҟәа, "Самырзаҟан" – Гал, "Шахтиор" – Тҟәарчал.

11
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

19
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

19