Министерство иностранных дел России

Аџьынџьуаа русқәа рзы Аиҳабыратә комиссиа Аԥсны ахаҭарнакцәа аҳамҭақәа рырҭеит

15
(ирҿыцуп 13:08 28.05.2021)
Аҳәаанырцә инхо аџьынџьуаа русқәа рзы Аиҳабыратә комиссиа аԥҵан 1994 шықәсазы афедералтәи аҭыԥантәи амчрақәа русура аицымҩаԥагаразы.

АҞӘА, лаҵара 28 – Sputnik. Аҳәаанырцә инхо аџьынџьуаа русқәа рзы Аиҳабыратә комиссиа аҳаҭыртә шәҟәқәеи аҳамҭақәеи рананашьеит Аԥсны ахаҭарнакцәа ҳәа аанацҳауеит Урыстәыла адәныҟатәи аусқәа рминистрра.

Аҳаҭыртә шәҟәы ланашьоуп ауаажәларратә еиҿкаара "Тҟәарчал араион аурыс уаԥшь" анапхгара ахантәаҩы Валентина Давыдова.

Аџьшьаратә шәҟәқәа ранашьоуп: ауаажәларратә еиҿкаара "Аԥсны аурыс уаԥшь" ахантәаҩы Роман Риазанцеви акультуратә фонд "Справедливость. Благополучие. Развитие" адиректор, аурыс џьынџьуаа реиҿкаара Акоординациатә хеилак ахантәаҩы Олег Иурченкои.

Аҳаҭыртә шәҟәы ранаршьоит Урыстәыла адгылараъы алагаламҭа ду азы, аҭоурыхтә ԥсадгьыл амадаразы, аурыс бызшәеи аурыс культуреи реиқәырхаразы.

Аџьшьаратә шәҟәқәа ранаршьоит Урыстәылеи аҳәаанырцә ҳәынҭқаррақәеи русеицура арҿиарази реимадара арӷәӷәарази иматериалтәуи иматериалтәыми алагаламҭақәа рзы; аурыс диаспора ахьынхо аҭыԥ аҿы рконсолидациаз; аурыс бызшәеи аҭоурыхи акультуреи раларҵәаразы.

Аҳәаанырцә инхо аџьынџьуаа русқәа рзы Аиҳабыратә комиссиа аԥҵан 1994 шықәсазы афедералтәи аҭыԥантәи амчрақәа русура аицымҩаԥагаразы. Иара еиднакылоит аԥышәа, иазнархиоит абжьгарақәа аџьынџьуаа рганахьала аполитика аиӷьтәразы, анорматив-закәантә база аус адуларазы.

Акомиссиа иара убасгьы аҳәаанырцә аурыс диаспора рҽеиҿкаара азҵаарақәа анапы рылакуп. Акомиссиа ахантәаҩыс дыҟоуп Сергеи Лавров – Урыстәыла адәныҟатәи аусқәа рминистр.

15

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5