Аԥсны агәабзиарахьчара аминистрра: COVID-19 аҟынтә алаҵа 976-ҩык ирзыҟарҵахьеит

10
(ирҿыцуп 21:45 28.05.2021)
Аԥсны аԥыза-министр Александр Анқәаб аусутә еилатәара мҩаԥигеит атәыла агәабзиарахьчара аминистр Едуард Быҭәба, асанитартә ҳақьым хада Лиудмила Скорик, Аҟәа асанитартә ҳақьым хада Лиудмила Белиаева, Аминистрцәа реилазаара Аппарат анапхгаҩы Давид Сангәлиа алархәны.

АҞӘА, лаҵара 28 – Sputnik. Лаҵара 28 рызтәи адыррақәа рыла, Аԥсны акоронавирустә инфекциаҟынтә алаҵа ҟарҵахьеит 976-ҩык ҳәа аԥыза-министр Александр Анқәаб иеиҳәеит агәабзиарахьчара аминистр аиҳабыра рҿы имҩаԥысыз аилатәараҟны. Абри атәы аанацҳауеит Аминистрцәа реилазаара асаит.

Аусбарҭа иара убасгьы иазгәанаҭоит алаҵа ҟазҵо рхыԥхьаӡара есыҽны бжьаратәла 30% рыла ишацло. Лаҵара 27 рзы аҳҭнықалақь аҿы 142-а алаҵаҟаҵара иахысит.

Агәабзиарахьчаратә усбарҭақәа рнапхгаҩцәа еиҭарҳәеит урыстәылатәи рколлегацәеи дареи иҭырҵаараны иҟоу ареспублика аиммунтә статус апрограмма атәы.

"Аиммунтә статус арегионалтә шәага-загақәа еилкаахоит ауаҩԥсы иҿы акоронавирус ахь ацәеижьҿагылақәа рыҟазааразы ишьа аҭҵаарақәа рылҵшәақәа ргәаҭараан. Арҭ аҭҵаарақәа рзы ашьа ргалоит Аԥсны араионқәа зегьы рҿы апрограмма ишьақәнаргылаз еиуеиԥшым ақәратә категориа иаҵанакуа ауааԥсыра рҟны. Апрограмма аусура иалагоит рашәарамза аҩбатәи ажәамш раан, уи мчыбжьқәа ирҭагӡаны имҩаԥыслоит", - рҳәеит амедикцәа.

Александр Анқәаб адҵа ҟаиҵеит алаҵа амҩангареи аҵәахреи шыҟоу ҷыдала иахылаԥшларц, алаҵа ззыҟарҵаз ауаа рҭагылазаашьеи риммунтә статуси гәарҭаларц, атәылаҟны алаҵаҟаҵара аҩбатәи аетап рҽазыҟарҵаларц.

Амедусзуҩцәа Аԥсны аԥыза-министр Александр Анқәаб иара убас изеиҭарҳәеит Аԥсны ашәҟәы ишҭагалоу иҷыдоу асимптоматика змоу акоронавирус SARS-CoV-2 "британиатәи аштамм" ахҭысқәа фба. Дара ражәақәа рыла, абиоматериал анализ азун Роспотребнадзор иатәу Ставропольтәи амырзаҿагыларатә институт аҟны.

Агәабзиарахьчара асистема аусзуҩцәа иазгәарҭеит ауаажәлар рхыхьчаразы аусмҩаԥгатәқәа рӷәӷәатәхар алаҳәара шыҟарҵо.

10
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4