Аԥсны ашьхараҿы иӡыз атурист ишьҭалоит урыстәылатәи аволонтиорцәа

18
(ирҿыцуп 16:23 29.05.2021)
Аԥсны АҶА урыстәылатәи атурист Владимир Улианов дыҟазар ахьалшо аҵакыраҿы аԥшаарақәа ирыцнаҵоит.

АҞӘА, лаҵара 29 - Sputnik. Владимир Улианов иԥшааразы агәаҳәара змоу аволонтиорцәа ргәыԥ аҽеизгара иаҿуп ҳәа адырра ҟанаҵоит Аԥсны АҶА.

Рмаршрут акыр иахьыуадаҩу азы аусбарҭа анапхгара иаӡбеит Аԥсны АҶА аԥшаара-еиқәырхаратә отриад аусзуҩцәа ҩыџьа аволонтиорцәа ргәыԥ ирыцнаҵарц ҳәа аҳәоит адырраҭараҿы. Уи адагьы, аволонтиорцәа ашьха ҳаракырақәа рҿы иҟоу альпиатәи азонахь ихалаӡом.

  • Аԥсны ашьхараҿы иӡыз атурист ишьҭалоит урыстәылатәи аволонтиорцәа
  • Аԥсны ашьхараҿы иӡыз атурист ишьҭалоит урыстәылатәи аволонтиорцәа
  • Аԥсны ашьхараҿы иӡыз атурист ишьҭалоит урыстәылатәи аволонтиорцәа
1 / 3
Аԥсны ашьхараҿы иӡыз атурист ишьҭалоит урыстәылатәи аволонтиорцәа

Адгьыл аҿы аԥшаарақәа анхыркәшаха ашьҭахь, ахьчара-еиқәырхаратә операциа Мрагыларатәи Гәымсҭа ахахьгьы аԥшаарақәа ирыцнаҵеит. Амш анеилгалак, Аԥсны АҶА авертолиот ҩаԥхьа урҭ аҵакырақәа ирхаԥраалоит. Владимир Улианов дшыӡыз азы адырра рырҭахьеит арҭ аҭыԥқәа здыруа ашәарыцацәагьы.

Аԥсны АҶА аԥшаара-еиқәырхаратә отриад лаҵара 22 рзы ихнаркәшеит лаҵара 12 раахыс иӡны иҟоу урыстәылатәи атурист Владимир Улианов иԥшаара. АҶА аԥшааҩцәеи  аинструктор Анна Гилевои Владимир Улианов дыҟоуп ҳәа агәаанагара ахьыҟаз аҭыԥ аҟынӡа инеит. Аиқәырхаратә  команда ашьхарантә аԥшаҳәахьы албаара амаршрут аус адырулеит. Аха иӡыз атурист дырзымԥшааит.

Аԥсны АҶА аинформациала, урыстәылатәи аҟазауаа аԥшаарақәа ирылахәхоит ҳәа аофициалтә информациа рымам.

Лаҵара 25 азы Аҟәатәи араионтә прокуратурахь Улианов иӡразы аматериал нашьҭын.

Аԥсны АҶА адыррақәа рыла, Владимир Улианов Аԥсныҟа дааит Екатеринбургынтәи. АҶА излаҳәоз ала, агәыԥ аинструктор Анна Гилева адырра рылҭеит асоура ӷәӷәеи акырцхи шрыхьӡаз, уи иахҟьаны рымҩа иацәыхҟьеит, изыхнымҳәӡеит рбаза ахьыҟаз алагерь ахь, уа дырзыԥшын Улиановгьы. Усҟан дара ирыӡбеит агаҿахь илбааны Аԥсны АҶА ацхыраара иаҳәарц. Иӡыз ауаҩы иԥшааразы Аԥсны АҶА авертолиот халарҵар рҭахын, аха уи залмыршахеит аҳауатә ҭагылазаашьа иахҟьаны. Убри азы иӡбан шьапыла аиқәырхаҩцәа аҭыԥ ахь идәықәҵазарц. Атуристтә гәыԥ иалахәын Нижни Тагил, Екатеринбург, Челиабинск, Санкт-Петербург рҟынтәи атуризм абзиабаҩцәа.

Атуристцәа егьырҭ ргәыԥ лаҵара 13 рзы Ачадараҟа инеит. Дара уа аангыларҭа рыман. Лаҵара 14 рзы дара ареспублика аанрыжьит.

18

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5