Хабиб Нурмагомедов Аԥсныҟа дааӡом Америка иҟанаҵаз ақәыӷәӷәара иахҟьаны

18
(ирҿыцуп 21:11 29.05.2021)
Хабиб Нурмагомедов Аҟәа рашәара 1 азы аҟазаратә-класс мҩаԥигарц, аспортсменцәа ҿарацәа рызҵаарақәа рҭакқәа ҟаиҵарц, аклуб "Георги Победоносец" аҵаҩцәа реиқәԥарақәа дрыхәаԥшырц акәын, иара убас уи аҽны Аԥсни Урыстәылеи рҿарацәа-аԥхьагылацәа рықәгыларақәагьы азԥхьагәаҭан.

АҞӘА, лаҵара 29 - Sputnik. Хабиб Нурмагомедов Аԥсныҟа дзааӡом ҳәа адырра ҟанаҵоит Аԥсны Аспорт азы аҳәынҭеилакы, аспортсмен именеџьер Ризвана Магомедов иажәақәа шьаҭас иҟаҵаны.

Нурмагомедов Аԥсны изыԥшын рашәара 1 Жәларбжьаратәи ахәыҷқәа рыхьчара амш азы Аҟәа астадион "Динамо" аҟны аҟазаратә-класс мҩаԥигоит ҳәа. Иазгәаҭан иара арахь даауеит ҳәа атәы шеибырҳәаз Аԥсны ахада Аслан Бжьаниеи иареи ҭелла реицәажәараан.

Еицырдыруа аспортсмен арахь дааӡом Еиду Америкатәи аштатқәеи Қырҭтәылеи иганахьала иаадырԥшыз ақәыӷәӷәара иахҟьаны. Урҭ мақарит Нурмагомедов имоу америкатәи авиза шаԥырхуа, UFC аҟны испорттә ус ишаԥырхагахо, Еиду Америкатә аштатқәа рҿы иконтрактқәа шԥыржәо, абарҭқәа азгәаҭоуп адырраҭараҿы.

"Хабиб Нурмагомедов Аԥсны жәлари аспортсменцәа ҿарацәеи иҭабу ҳәа рзааицҳауеит иаадырԥшыз азҿлымҳареи адгылареи рзы, хьаасгьы имоуп иара имч зқәымхо аҭагылазаашьа хьанҭақәа ахьцәырҵыз азы", - ҳәа ануп Аԥсны Асопрт азы аҳәынҭеилакы аацҳамҭаҿы.

Аусбарҭа аинформациа ала, Хабиб Нурмагомедов иаб ихьӡ зху аиқәԥарақәа рышкол аԥснытәи аспортсменцәа урыстәылатәии жәларбжьаратәии аицлабрақәа ирылахәразы разыҟаҵара ишазыхиоу.

18

Очамчыра араион ахәҭак лашарада иаанхоит аҩаша цәыббра 28 рзы

1
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

1
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5