Псырцха.

Италиатәи аилахәырақәа рхаҭарнакцәа азыхиоуп Аԥсны авокзалқәа реиҭашьақәыргылара

18
(ирҿыцуп 11:22 01.06.2021)
Италиатәи аилахәыра "GLOBAL ARREDI" ахаҭарнакцәа хатә ныҟәарыла Аԥсныҟа иааиит лаҵара 29 азы. Урҭ ара иҟазаауеит рашәара 1 аҟынӡа.

АҞӘА, рашәара 1 – Sputnik, Бадри Есиава. Италиатәи аилахәыра "GLOBAL ARREDI" ахаҭарнакцәа азыхиоуп Аԥсны авокзалқәа реиҭашьақәыргылара, абри атәы Sputnik иазеиҭеиҳәеит "Аԥсныеихамҩа" адиректор хада Арсоу Ҷыҭанаа.

"Арҭ сара исысасцәоуп, Аԥсныҟа иаасыԥхьеит, ҳтәыла, ҳкультура, ҳатрадициақәа рбарц. Ара иҟанаҵ авокзалқәа ирҭаан ирбеит. Апавильонқәа реиҭашьақәыргылара уадаҩым, аха Аҟәа, Гагра, Афон, Гәдоуҭа аихамҩатә станциақәа рҟны аусура мҽхакыҭбаала иаҭахуп рҳәеит. Аремонт акәӡам, ареставрациоуп ихадароу рҳәеит", - азгәеиҭеит иара.

Ҷыҭанаа иажәақәа рыла италиатәи аҟазауаа апроектқәа разырхиараҿы ацхыраара шыҟарҵо атәы рҳәеит. Апроектқәа атәыла анапхгара рнапы ақәырҵар, аҳәаанырцәеилахәыра аԥаразоужьра азҵаара алацәажәара ауеит. Макьаназ ари азҵаара иалацәажәам.

"GLOBAL ARREDI" Италиеи Урыстәылеи еицырдыруа еилахәыроуп, иара аусзуҩцәа аԥышәа ду рымоуп иҳәоит иара. Аха ари аус аҿы афинанстә ган адагьы иҟоуп апроблема – аибашьра ашьҭахь Аԥсны иҟаӡам арҭ аобиектқәа андыргылоз аамҭазы ахархәара зҭаз ахсаалақәа, адокументқәа.

Италиатәи асасцәа Риҵатәи амилаҭтә парк иаҭааит, Афон ҿыц инеиит, Аҟәа амшын аԥшаҳәаҿы инеиааиит, иара убасгьы амилаҭ чыс агьама рбеит.

"Аԥсны агәахәара ду рызцәырнагеит, ауаа, аԥсабара, акультура – зегь ргәаԥхеит", - иҳәоит Ҷыҭанаа.

"Аԥсныеихамҩа" аиҳабы иара убасгьы иҳәеит акруизтә дәыӷба Ростов-на-Дону – Аҟәа аусура аларгаразы аиҿцәажәарақәа шцо.

"Абри ахырхарҭала аусура ҳаҿуп. Аусутә гәыԥқәа аԥҵахоит. Аха аилахәыра ахатә дҵақәа амоуп, урҭ иреиуоуп аангыларҭақәа рҭагылазаашьа. Ҳара иахьа аангыларҭа "Гагрыԥшь" арыцқьара ҳаҿын. Уа иҟалап жәашықәса ирықәзар нап амбеижьҭеи", - иҳәеит иара.

Акруизтә дәыӷба ԥхынгәы акы инаркны аусура иалагар ҟалоит.

Адәыӷба аангыларҭақәа "Гагрыԥшь", "Ԥсырӡха", "Кьалашәыр" иаангылалоит.

18

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1