Аԥсны автотранспорт аҭаҩраз аршаҳаҭга абланкқәа рыхәԥса шьақәдыргылеит

16
(ирҿыцуп 11:49 01.06.2021)
Аԥсны ААР Аҳәынҭавтоинспекциа лаҵара 21 инаркны автотранспорт аҭаҩратә паспорт ҿыцқәа рыҭара иалагеит.

АҞӘА, рашәара 1 – Sputnik, Бадри Есиава. Автотранспорт аҭаҩраз аршаҳаҭга абланк ҿыцқәа рыхәԥса шьақәдыргылеит, уажәшьҭа 822 мааҭ иаԥсахоит ҳәа Sputnik иазеиҭеиҳәеит Аԥсны Аҳәынҭавтоинспекциа аиҳабы Баҭал Агрба.

Иара иазгәеиҭеит автотранспорт аҭаҩра ҩеижәа минуҭ еиҳамкәа аамҭа шаҭаху.

Аԥсны ААР Аҳәынҭавтоинспекциа лаҵара 21 инаркны автотранспорт аҭаҩратә паспорт ҿыцқәа рыҭара иалагеит.

Ахархәага ҿыцқәа адокумент ахьчара ҳарак арҭоит, жәларбжьаратәи аконвенциа "Амҩатә ныҟәараз" иақәшәо иҟарҵоит, ииаргоит атранспорт хархәагақәеи амашьынарныҟәцараз аршаҳаҭгақәеи рцифратә еилыргара асистемахь.

Убри аан ари аус атәылауаа рзы уадаҩраки финанстә шәараки амам.

Адокументқәа рыбланкқәа ҳаамҭазтәи амыругақәа рҿы иҟарҵоит, жәларбжьаратәи астандарт иақәшәоит, аԥаршеира алнаршом.

Аԥсны ААР аҿы ирҳәоит аҿыц бланкқәа рылагалара ишаанамго ажәытәқәа рыԥсахра.

"Ажәытә документқәагьы ахрархәара ҟалоит аҿыцқәа инарываргыланы. Маҷ-маҷла иԥсаххалоит. Уаанӡатәи аҿҳәара цахьазар ауп аҿыц ала ианырыԥсахуа (жәа-шықәса ҳәа ирырҭо амашьынарныҟәцараз аршаҳаҭгатә зин аиԥш), мамзаргьы атранспорт хархәага зхатәу иҭаххарала", - рҳәоит аусбарҭаҿы.

Ахархәага ҿыцқәа адокумент аа-ҩаӡаракны иҟоу ахьчара ҳарак арҭоит, уи иалнаршом аԥаршеи документ аҟаҵара, ҳаамҭазтәи ахархәагақәа рыла жәларбжьаратәи аконвенциа "Амҩатә ныҟәараз" иақәшәо иҟарҵоит.

16
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

20
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

20