Аԥсны закәаншьаҭада аус зуаз 23 маининг-шьақәгыла русура аанкылоуп

© Sputnik / Владимир Астапкович / Амедиаҵәахырҭахь аиасраМайнинг-ферма на территории технополиса "Москва"
Майнинг-ферма на территории технополиса Москва - Sputnik Аҧсны, 1920, 01.06.2021
Анапаҵаҩра
Закәаншьаҭада афымцамч ахархәара аарԥшразы ареидқәа еицымҩаԥыргоит Аҳәынҭқарратә шәарҭадара амаҵзура, араионқәа рхадацәа, "Амшынеиқәафымцамч", Аҳәынҭстандарт рхаҭарнакцәа.

АҞӘА, рашәара 1 - Sputnik. Ареидтә гәаҭарақәа раан Аԥсны ААР аусзуҩцәа 2021 шықәса лаҵарамзазы иаарԥшны иадыркит 23 маининг-ферма, изхатәыз административтә ҭакԥхықәра рыдҵоуп. Абри атәы аанацҳауеит Аԥсны ААР апресс-маҵзура.

Рейд по отключению майнинг ферм в очамчырском р-не - Sputnik Аҧсны, 1920, 25.12.2020
"Амшынеиқәафымцамч" акриптофермақәа зегьы аҿыхтәуп ҳәа ақәҵара аднакылеит

Закәаншьаҭада афымцамч ахархәара аарԥшразы ареидқәа раан 180 обиект агәаҭара иахыжьуп, иаарԥшны иаркуп 23 маининг-ферма, зынӡа иаанкылоуп 870 криптошьақәгыла.

Гал араион ахатәыҩны аҿи абнаратә ҭыԥ аҿи иаарԥшын амаининг-фермақәа ҩба –277; 240 аппарат рыла еиҿкааз. Иара убасгьы иаарԥшын амонтаж иазырхиаз ахыбрақәа ҩба.

Очамчыра араион аҿы изтәыз ирымхны аҵәахрахь инашьҭын 117 шьақәгыла акриптовалиута аиуразы.

Аҟәа 25 аппарат ахатә сектор аҿы иаарԥшын, 60 маининг-шьақәгыла аус руан аотель "Баграт ишьха" аҿы.

Ҩ-криптофермак аҿыхын Аҟәа араион аҿы – Иаштухеи Алада Ешыреи.

Аусбарҭаҿы иазгәарҭеит уаанӡа амҳәыр заархаз аобиектқәеи агәаҭараан иаҿырххьаз акрипто-фермақәеи афымцацәаҳәа иаҿыган ишыҟаз.

Афермақәа зхатәу рганахь ала административтә ԥкаанҵақәа шьақәыргылоуп Аԥсны КоАП ахәҭаҷ 96, ахәҭа 2 азгә. 1 инақәыршәаны.

Аԥсны Аҳәынҭқарра азакәан "Аԥсны Аҳәынҭқарра административтә зинеилагарақәа рзы Азакәанеидкыла афымцамчхархәара ахәҭаҿы аԥсахрақәа алагаларазы" анагӡара аҳәаақәа ирҭагӡаны 50 административтә ԥкаанҵа шьақәыргылоуп, 6 600 000 мааҭ рыхәԥсала.

Афымцамчхархәара алаҟәра иартәеит 2750 киловатт.

Ажәабжьқәа зегьы
0