Бжьаниа Гагреи Очамчыреи араионқәа рхадацәа шьақәирӷәӷәеит

5
(ирҿыцуп 09:42 02.06.2021)
Ахада аусдҵа инапы аҵеиҩаанӡа Беслан Бигәааи Иури Хагәышьи араионқәа рхадацәа рнапынҵақәа назыгӡо ҳәа иҟан.

АҞӘА, рашәара 2 - Sputnik. Аԥсны ахада Аслан Бжьаниа Гагреи Очамчыреи араионқәа рхадацәа шьақәирӷәӷәеит усԥҟала ҳәа аанацҳауеит ахада иофициалтә саит.

Аԥсны Аконституциа ахәҭаҷ 53 апункт 16 инақәыршәани араионтә Еизарақәа рақәшаҳаҭхаралеи Гагра араион ахадас дшьақәырӷәӷәоуп Иури Хагәышь, Очамчыра араион ахадас дшьақәырӷәӷәоуп Беслан Бигәаа.

Иури Хагәышь диит 1985 шықәсазы Гагра. 2007 шықәсазы далгеит Ростовтәи аинститут, аиуристтә факультет. 2007 шықәса инаркны 2017-нӡа наплакҩыс дыҟан.

2017 шықәсазы Аԥсны Жәлар Реизара адепутатс далхын.

Иури Хагәышь Гагра араион ахада инапынҵақәа наигӡон мшаԥымза 30 2020 шықәса раахыс.

Беслан Бигәаа диит ԥхынгәы 28 1971 шықәса рзы Тҟәарчал. Ивановтәи ақыҭанхамҩатә институти Мрагылара-украинатәи аҳәынҭқарратә университети дроушьҭымҭоуп. 1999 шықәса раахыс Москва дынхон.

Зых иақәиҭу ақәԥаразы СССР аспорт азҟаза. Дҭаацәароуп. Хҩык аԥацәа драбуп.

2020 шықәса мшаԥы 12 рзы Аԥсны ахада Аслан Бжьаниа Очамчыра араион ахада инапынҵақәа наигӡаларц деиҭахьвн.

5

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

10
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

10

Аҟәа иҟалаз абылра ахәҭак ырцәоуп

8
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

8