Делба 2021 шықәсазтәи ашәахтәлагалақәа дрылацәажәеит

13
(ирҿыцуп 11:12 03.06.2021)
Аԥсны Афинансқәа рминистр 2021 шықәса раԥхьатәи хәымз рзтәи аусурақәа реихшьала ҟаҵаны ԥхьаҟатәи азԥхьагәаҭарақәа дрылацәажәеит аԥыза-министр Александр Анқәаби иареи русутә еиԥылараан.

АҞӘА, рашәара 3 – Sputnik. 2021 шықәса ажьырныҳәа 1 инаркны Аԥсны абиуџьет иаланагалахьеит ишәахтәтәуи ишәахтәтәыми 2 миллиард мааҭ ахашәалақәа. Ари 23 % рыла 2020 шықәсазтәи арбагақәа иреиҳауп. Абри атәы аԥыза-министр Александр Анқәаб изеиҭеиҳәеит аԥыза-министр ихаҭыԥуаҩ, Афинансқәа рминистр Владимир Делба ҳәа аанацҳауеит Аминистрцәа реилазаара асаит.

Аминистр иазгәеиҭеит ажьырныҳәамза инаркны иубартә ишыҟоу ахатә лагалақәа аамҭа-аамҭала рызҳара. Хәымзтәи арбага 380 миллион мааҭ рыла еиҳауп 2020 шықәса иара убри аамҭазтәи арбагақәа раасҭа. Ашәахтә лагалақәа 377 миллион мааҭ ыҟоуп.

2021 шықәса хәымзтәи алагалақәа, урыстәылатәи ацхыраарагьы арахь иналаҵаны, 3,6 миллиард мааҭ ыҟоуп ҳәа иҳәеит Делба.

Афинансқәа рминистр иара убасгьы еиҭеиҳәеит абиуџьет аныхратә хәҭа аҭагылазаашьа зеиԥшроу, урҭ аныхрақәа ишырхықәку асоциалтә хыдҵақәа рԥаразоужьра.

Владимир Делба аԥыза-министр иирдырит Афинансқәа рминистрра аилахәырақәа рҿаԥхьа аҳәынҭқарра ауал ашәара апроцесс ишалагаз, уи аганахьала иҵоуроу аҭагылазаашьа шыҟоу.

"Афинансқәа рминистрра зуал ашәо аилахәыра иаиуа аԥарақәа еикәшаны абиуџьет иҭалоит. Убас иаҳбарҭаны иҟоуп Атәанчахәытә фонд аԥара азынашьҭра ишалаго ҳара ҳуалқәа анаҳшәалак ашьҭахь", - ҳәа иҳәоит Делба.

Аԥыза-министр Александр Анқәаби аԥыза-министр ихаҭыԥуаҩ, Афинансқәа рминистр Владимир Делбеи аусутә еилацәажәара мҩаԥыргеит рашәара 2 рзы.

Иара убас шәаԥхьар ҟалоит:

13

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1