Аԥсуа-аурыс программа Аԥсны атәылауаа COVID-19 азы риммунтә статус ҳәаақәнаҵоит

© Sputnik / Илья Питалев / Амедиаҵәахырҭахь аиасраЛаборатория "Инвитро" начала тестирование на коронавирусную инфекцию
Лаборатория Инвитро начала тестирование на коронавирусную инфекцию  - Sputnik Аҧсны, 1920, 03.06.2021
Анапаҵаҩра
Акоронавирустә инфекциаҟынтәи урыстәылатәи "Спутник V" ала алаҵаҟаҵара Аԥсны ихацыркын лаҵара 11 азы.

АҞӘА, рашәара 3 – Sputnik. Рашәара 7 инаркны ареспубликаҿы имҩаԥгахоит Аԥсуа-аурыс программа Аԥсны атәылауаа COVID-19 азы риммунтә статус аҳәаақәҵараз ҳәа лҳәеит Аҟәа ақалақь аҳақьым хада Алла Белиаева. Абри атәы аанацҳауеит Агәабзиарахьчара аминистрра.

"Атәыла аҩнуҵҟа ацәеижьҿагылақәа рзы 3 000 хкы. Арҭ анализқәа ауааԥсыра рзы ихәыдаԥсадахоит. Анализ шыҟарҵалак, мчыбжьык аҩнуҵҟа алҵшәа дырдырхоит", - ҳәа лҳәеит лара.

Асеиԥштәи аҭҵаара иаанарԥшуеит Аԥсны заҟаҩ ршьа ацәеижьҿагыла алоу ҳәа лҳәоит аҟазауаҩ.

"Ауснагӡатә атәыла араионқәа зегьы рҿы имҩаԥгахоит. Актәи алаҵа ҟазҵаз анализ арымҭароуп, избанзар уи иахәҭоу арбага аанарԥшуам. Акоронавирустә инфекциа сымазар ҟалоит ҳәа згәы иаанаго, аха анализ азымҭац, ма ичмазҩымхац анализ ҟарҵар ауеит. Анализ ҟарҵоит Ареспубликатә бак-лабораториаҿ", - лҳәоит Алла Белиаева.

НИИЕПиТ аиммунологиеи авирусологиеи рлабораториа аиҳабы Алиса Матуаԥҳа иазгәалҭеит атәылаҿ аепидемиологиатә ҭагылазаашьа маншәала ыҟазарц азы алаҵаҟаҵара мҩаԥгатәуп ҳәа.

Вакцинация от COVID - 19 в Абхазии - Sputnik Аҧсны, 1920, 02.06.2021
Аҟәа COVID-19 аҟынтә алаҵаҟаҵара аҩбатәи аетап иалагеит

"Ауааԥсыра рыхәҭак ачымазара рхыргахьеит, аиммунитет COVID-19 ахь ироухьеит, егьи ахәҭа алаҵа ҟарҵар, хара имгакәа 70% ауааԥсыра аиммунитет роуп ҳәа ҳгәыӷуеит", - лҳәеит лара.

Авирусолог Матуаԥҳа илҳәеит "Спутник V" "британиатәи" аштаммгьы иаиааиуеит ҳәа. Белиаева лажәақәа рыла ари аштамм Аԥсны иалагалан. Лара лгәаанагарала, ицәырҵыр алшоит "индиатәи" аштамм, избанзар аҳәаақәа рҿы аԥкрақәа аԥыхуп. Амедусзуҩцәа ирҳәоит зҽеиҭазкуа авирусгьы ахымҩаԥгашьа аԥхьатәи авирус иеиԥшуп, аҽацәыхьчарагьы уаанӡатәи апрофилактикатә уснагӡатәқәа реиԥш ауп ишымҩаԥгалатәу ҳәа.

Лаҵара 28 рзы амедусзуҩцәа аԥыза-министр Александр Анқәаб изеиҭарҳәеит "британиатәи аштамм" ареспубликаҿы ишазгәаҭоу.

Аԥыза-министр иҳәеит ареспубликаҿ алаҵаҟаҵара хымԥадатәхар шауа.

Ажәабжьқәа зегьы
0