Аԥсны акоманда напышьашәалатәи аиқәԥаразы адунеитә еицлабраҿы ахԥатәи аҭыԥ ргеит

11
(ирҿыцуп 10:41 04.06.2021)
Напышьашәалатәи ақәԥаразы адунеи Ахраҿа FCF-MMA агаразы XII аиндаҭларақәа мҩаԥысит лаҵара 28 - 30 рзы Таганрог.

АҞӘА, рашәара 4 - Sputnik. Аԥсны еизгоу акоманда напышьашәалатәи ақәԥараҿы адунеи Ахраҿа агараан ахԥатәи аҭыԥ ранашьахеит ҳәа аанацҳауеит аҿари аспорти русқәа рзы Аҳәынҭқарратә еилакы.

Аиндаҭларақәа рҿы Аԥсны ахьӡала Аԥсни Урыстәылеи зҽаԥсазтәыз рзыҟаҵаҩ Ваграм Алексаниан иааӡамҭацәа Артур Акопиани Рауль Хзарџьиани, Аҟәа ақалақь ахадара аҿари аспорти русқәа рзы Аусбарҭа акикбоксинг асекциа ааӡамҭаҩцәа Александр Зыхәбеи Енри Агрбеи алахәын. Арҭ аспортсменцәа азыҟаиҵоит Таташь Аҭәмаа.

Зынӡа атурнир иалахәын 160 спортсмен. Актәи акомандатә иааира агеит Урыстәыла, аҩбатәи - Кырӷызсҭан.

11
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

22
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

22