Саперы инженерных войск.

Аԥснытәи аруаа аминеиҵыхразы Москватәи афорум иалахәуп

9
(ирҿыцуп 16:49 04.06.2021)
Москва, Атәылахьчара аминистрра апарк "Патриот" аҿы агуманитартә минеиҵыхраз Жәларбжьаратәи аконференциа мҩаԥысит.

АҞӘА, рашәара 4 - Sputnik. Аԥсны Атәылахьчара аминистрра аррамаҵзурауаа рҽаладырхәит агуманитартә минеиҵыхраз аԥшьбатәи Жәларбжьаратәи аконференциа ҳәа Sputnik иазеиҭеиҳәеит аминистрра апресс-маӡаныҟәгаҩ Роланд Џьоџьуа.

Атәылақәа рхаҭарнакцәа ртеориатә ԥышәа еимырдеит аилатәарақәа рҿы. Афорум аҿы ирылацәажәан аҭынч уааԥсыра рзы ашәарҭадара аԥырҟәҟәаара апроблемеи аминаҵхыҩцәа рыпрофессионалтә ҩаӡара ашьҭыхра апроблемеи.

Атәылахьчара аминистрра апресс-маҵзураҿы ишырҳәаз ала ари атема Аԥсны азгьы иактуалуп. Аусурақәа аибашьра ашьҭахьтәи аамҭақәа зегьы имҩаԥысуеит, ианхыркәшахо ҳәагьы макьаназ еилкаам. Ус шакәугьы иахьазы аминақәа зегьы ыҵхуп ҳәа узҳәом.

"14 000 минеи 100 нызқь авиабомбеи аснариад маҷқәеи аибашьра ашьҭахь еиҵырххьеит. Ус шакәугьы макьаназ аусурақәа рацәоуп", - иҳәеит Аԥсны АА анџьныртә маҵзура аиҳабы, аделегациа ахаҭарнак Аркади Карапетиан.

Афорум аҿы аруаа идырбан иҿыцӡоу атехника ҷыда.

"Иахьатәи аамҭазы арратә техника иласны аҽеиҭанакуеит. Иахьазы иактуалу атехника уаҵәы ихәарҭамхар ҟалоит. Асеиԥштәи аконференциақәа мҩаԥгалатәуп арратә техника аҿиара атәы адырразгьы", - иҳәеит Карапетиан.

Аԥснытәи аррамаҵзурауааи Бразилиа, Индиа, Шьамтәыла рҟынтәи рколлегацәеи еинырит, аинформациеи рԥышәеи еимырдеит.

Аԥснытәи аделегациа раԥхьаӡа акәны ари афорум иалахәын.

Москва, Атәылахьчара аминистрра апарк "Патриот" аҿы агуманитартә минеиҵыхраз Жәларбжьаратәи аконференциа мҩаԥысит.

Сынтәа иара иалахәын 24 тәыла рхаҭарнакцәа, жәларбжьаратәии иеиҳабыратәымии аиҿкаарақәа рхаҭарнакцәа.

9
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

19
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

19