Аԥсны ашәахтә усбарҭақәа 2021 шықәса аԥхьатәи ахәымз русуразы аҳасабырба ҟарҵеит

10
(ирҿыцуп 20:53 04.06.2021)
Аԥсны Аминистрцәа реилазаараҿы рашәара 3 азы имҩаԥысит аԥыза-министр Александр Анқәаби Аԥсны ашәахтәқәеи аизгақәеи рминистрра анапхгареи реилацәажәара.

АҞӘА, рашәара 4 - Sputnik. Аԥсны ашәахтә усбарҭақәа аԥыза-министр иҿаԥхьа аҳасабырба ҟарҵеит 2021 шықәсазтәи русуразы.

Аилацәажәара мҩаԥысит аԥыза-министр ихаҭыԥуаҩ, афинансқәа рминистр Владимир Делба далахәны.

Ашәахтәқәеи аизгақәеи рминистр Џьансыхә Нанба ишиҳәаз ала 2021 шықәса аԥхьатәи ахәымз рыла аплан 18,6% иацны инагӡоуп: иалагалоуп миллиардки 25,6 миллион мааҭ ашәахтә планла 865 миллион ахьарбаз. 2020 шықәса иаҿурԥшыр алагаларатә динамика иартәоит 120,7%.

Убри аан ареспублика зегьы аҿы аплан рбагақәа иарбаз ирхысзар, Очамчыра араион 30% рыла иадыз аплан азынамыгӡеит.

  • Аҟәа – аплан 550,2 млн. м., иаланагалеит 592,4 млн. м.
  • Гагра араион – аплан 113,7 млн. м., иаланагалеит 179,9 млн. м.
  • Гәдоуҭа араион – аплан 47,1 млн. м., иаланагалеит 64,1 млн. м.
  • Аҟәа араион – аплан 44 млн. м., иаланагалеит 86,3 млн. м.
  • Гәылрыпшь араион –аплан 18,2 млн. м., иаланагалеит 30,4 млн. м.
  • Очамчыра араион - аплан 69 млн. м., иаланагалеит 48 млн. м.
  • Ткуарчал араион –аплан 7,7 млн. м., иаланагалеит 8,4 млн. м.
  • Гал араион – аплан 14,9 млн. м., иаланагалеит 16,2 млн. м.

Александр Анқәаб иазымхоны иазиԥхьаӡеит аизгақәа, аиҳаракгьы Гагра араиони Аҟәа ақаалқьи рҿы.

Араионтә инспекциеи аминистрра аппарат хадеи ирыдиҵеит русура еиӷьыртәырц.

Аминистр Џьансыхә Нанба иазгәеиҭеит ашәахтә усбарҭақәа русура ишалагалатәу аусура еиӷьызтәуа аинформациатә технологиақәа.

Аԥыза-министр иҳәеит ари азҵаараҿы урыстәылатәи рпартниорцәеи дареи русеицура хра шаиуа, асистема ацифратә ҵакырахь аиагара ашәахтә усзуҩцәеи абизнес асубиектқәеи хаҭалатәи реинырра шеиҵанатәуа.

10

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4