"Ссахьақәа рыла саб Аԥсны исырбарц сҭахын": Ҳаҭиџье Зарданиаԥҳа лҭыхымҭақәа ирызкны

213
(ирҿыцуп 11:50 05.06.2021)
Ҭырқәтәыла, аԥсуа қыҭа Калдахәара (Балбалы) инхо ҳџьынџьуаҩ Ҳаҭиџье Зарданиаԥҳа дшыхәыҷызнатә асахьаҭыхра бзиа илбон. Лара ахаан Аԥсны шылымбацызгьы, лусумҭақәа рҟны уи аԥшӡара акәын иаалырԥшуаз. Ишԥаиуаз лхаҿы урҭ асахьақәа? Ари азҵаара аҭак анаҩстәи анҵамҭаҿы.

Саида Жьиԥҳа, Sputnik

Ҳаҭиџье Зарданиаԥҳа (Гәыџьгьарԥҳа) ԥсабарала илылоу аҟыбаҩ ҷыда атәы Ҭырқәтәыла иҟоу аԥсуа қыҭа Калдахәара иззымдыруа дыҟам. Аԥҳәызба дшыхәыҷызнатә асахьаҭыхра дазҟазан. Ҩажәа шықәса ирылагӡаны лнапы иҵҵхьоу аусумҭақәа узыԥхьаӡом. Ҳаҭиџье лажәақәа рыла, лсахьақәа рҿы лџьынџьдгьыл ахь илымоу абзиабара аалырԥшуеит.

"Сара саб Авни ихьӡын. Уи хышықәса раԥхьа идунеи иԥсахит. Иара иԥсы ахьынӡаҭаз Аԥсны акәын хәыцырҭас имаз. Ҳқыҭаҟнытә аӡәы Аԥсны дцаны даар, уи дизцаны, иибаз, иаҳаз ҭиҵаауан. Аҩны данааилак, илабжышқәа хыҳәҳәала "ҳабдуцәа рыԥсадгьыл уамак ала иԥшӡазаап, амшын, ашәаԥыџьаԥ ула хнакуазаап", - ҳәа ражәақәа ҳзеиҭеиҳәон ҳаныхәыҷқәаз. Убасҟан сҟазараҿы раԥхьатәи ашьаҿақәа аныҟасҵоз аамҭазы, саб игәы ҟасҵарц, амшыни ашәаԥыџьаԥи рҭыхра салагеит, сара ссахьақәа рыла Аԥсны ибааит ҳәа сгәы иҭҳәаауа", -  азгәалҭоит Ҳаҭиџье.

Аԥҳәызба лнапы иҵыҵхьоу асахьаҭыхымҭақәа рацәаӡоуп. Урҭ реиҳарак лыуацәеи лҩызцәеи ҳамҭас ирзылшеит. Ҳаҭиџье илҳәеит иахьа Аԥсны аҭыԥ ԥшӡарақәа зну ажурналқәа лхы иархәаны, уаҟа иану асахьақәа лқьаад ахь ишыиалго.

"Саныхәыҷызнатә сзышьцылаз ахырхарҭа сзадҵӡом. Амшыни ашәаԥыџьаԥи шҭысхыц иҭысхуеит. Уи алагьы сџьынџьдгьыл ахь сгәаҵа иҭаҵәаху абзиабара аасырԥшуеит", - инаҵылшьит лара.

Ҳаҭиџье ҩыџьа аишьцәа лымоуп. Руаӡәы, Ҭанжьу, Аԥсныҟа даахьеит, ижәлантәқәа драбадырит. Убасҟан ауп ианидыр Гәыџьгьараа Аԥсны Зарданиаа ҳәа ишыҟоу.

© Foto / предоставила Саида Жиба
Ҳаҭиџье Зарданиаԥҳа (Гәыџьгьарԥҳа) лан Нермин Ҟәыџԥҳа , лашьцәеи

Аб иаамышьҭахь, Зарданиаа рыҩны аиҳабыс иахагылоу ран Нермин Кәыџԥҳа лоуп. Лара лыхшара есымша ирабжьылгоит Аԥсныҟа ихьаԥшларц. Лыԥшәма иблала иԥсадгьыл абара дахьымӡеит аҟнытә "шәара шәцароуп" ҳәа рабжьалгоит. Маӡалатәи ҳаицәажәараан илҳәеит Аԥснынтәи аҭацацәа шылҭху.

Ари аҭаацәараҿы акалашәа Аԥсны иазыҟоуп. Уи Авни Зарданиа (Гәыџьгьар) илаиҵаз абзиабара ауп изыбзоуроу.

Ҳаҭиџье сахьаҭыхҩык лаҳасабала лхы лымбозаргьы, зегь акоуп лџьынџьдгьыл ахь илымоу абзиабара зныԥшуа лусумҭақәа знымзар зны иӡырылгар лҭахуп. Алшара лоур, уи лаб игәалашәара иазылкуеит.

Иара убас шәаԥхьар ҟалоит:

213

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4