Аԥсны ашәахтә уалқәа миллиард мааҭк рҟынӡа еиқәылеит

11
(ирҿыцуп 18:28 05.06.2021)
2021 шықәса актәи аԥшьбарак азы Аԥсны ашәахтәқәеи аизгақәеи рҟны миллиардки 26 миллион мааҭи ашәахтәқәа еизыргеит.

АҞӘА, рашәара 5 – Sputnik. 2021 шықәса рашәарамзазынӡа Аԥсны азеиԥш шәахтә уал аизгара иартәеит миллиард мааҭк рҟынӡа ҳәа арадио Sputnik иазеиҭеиҳәеит атәыла ашәахтәқәеи аизгақәеи рминистр Џьансыхә Нанба.

Иара иажәақәа рыла, аиуристтә хаҿқәеи ахазхаҿқәеи ирықәу ауал аибашьра ашьҭахьтәи аамҭа инаркны еизеит. Аха уи уажәазы уи ауал еизҳаӡом, еиҳа-еиҳа агхара иаҿуп.

Нанба иажәақәа рыла, ауалқәа анырымшәа, ашәахтә маҵзура урҭ русқәа Аӡбарҭатә нагӡаҩцәа рмаҵзурахьы ирырҭоит. Иахьазы аусеилыргаразы уахь инашьҭуп 230 материал зеиԥшла 160 миллион мааҭ зыртәо.

"Ауаа еилыркаалароуп анаплакы рымазар, ашәахтәқәа ршәалар шакәу. Азакәан еиларгозар, агәаҭаҩцәа мнеикәа, авба рырымҭакәа иахьынхаз ауп изыхҟьо еиҳарак, аха уеизгьы мышкызны руалгьы ршәар акәхоит, ахараԥсагьы ршәар акәхоит", - иҳәеит аминистр.

Рашәара 3 рзы Аԥсны ахада имҩаԥигаз аилатәараҿы Аԥсны ашәахтәқәеи аизгақәеи рминистр Џьансыхә Нанба ишиҳәаз ала, 2021 шықәса аԥхьатәи ахәымз рыла аплан 18,6% иацны инагӡоуп: иалагалоуп миллиардки 25,6 миллион мааҭ ашәахтә планла 865 миллион ахьарбаз. Аизгарақәа бзианы имҩаԥысит Гагра, Гәдоуҭа, Аҟәа, Гәылрыԥшь араионқәа рҿы.

"Аԥсныпресс" Нанба иажәақәа ааго иаанацҳауеит Аԥсны ишҭаҩу 4285 иуристтә хаҿы, урҭ рахьтә аус руеит 1263, егьырҭа анхамҩатә усура мҩаԥыргаӡом, мамзаргьы анольтә балансқәа арҭоит. Ахазхаҿқәа 11 868-ҩык ҭаҩуп, урҭ рахьтә аус руеит 7 724-ҩык.

Аԥсны ашәахтәқәа реизгара иазкны Џьансыхә Нанба арадио Sputnik иеиҭаз аинтервиу шәазыӡырҩыр ҟалоит абра>>

11

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1