"Пашә Ду имҩала": Орҳан Кәаӡба ишьҭра иазкны

586
(ирҿыцуп 19:09 05.06.2021)
Амҳаџьырра аамҭақәа раан Аԥснынтәи Ҭырқәтәылаҟа иахнагаз, анаҩс Пашә Ду ҳәа зыхьӡ цаз, Кәаӡаа ирыцкарыз арԥыс, иахьагьы ихьӡ жәлак аҳасабала иныҟәыргоит еиҵагылаз абиԥарак. Уи атәы еиҭеиҳәеит Пашә Ду ихылҵшьҭроу 73 шықәса ирҭагылоу Орҳан Кәаӡба.

Саида Жьиԥҳа, Sputnik

Пашә Кәаӡба дқәыԥшын иаб иашьа Кьапахә диманы Ҭырқәтәылаҟа данаа. Иҟоу адыррала, арԥыс иҭаацәа агәамбзиара иахырҟьаны рыдунеи рыԥсахит. Ахәыҷы хабарда дыбжьамӡырц азы, Кьапахә ахҵәара дшақәшәазгьы, "ҳахьԥсуа ҳаицԥсааит" ҳәа атәым дгьыл ахь еицықәҵит.

Ҭырқәтәылаҟа иахнагаз аԥсуаа аӡәырҩы реиԥш, Кьапахәи Пашәи ауадаҩрақәа рхыргеит, ахьҭеи, амлеи, ачымазареи ириааит. Аԥхьанатә иахьӡхыҵыз аҭыԥқәа рҿы абзазара аиҿкаара аныуадаҩха, рыԥсадгьыл шәаԥыџьаԥла еиԥшыз аҭыԥқәа ирышьҭалеит. Ус, гәыԥҩык аԥсуаа, наҟ-наҟ Аԥсара ҳәа хьӡыс изырҭаз ақыҭахь нхара иааит.

"Аԥсара қыҭа дууп, уи иаҵанакуа ацуҭақәа рацәоуп. Сара сабду иаб Пашә инхара ахьеиҿикааз Ҭеԥсеқь ауп", - иҳәоит Орҳан Кәаӡба.

© Foto / из архива семьи Квадзба
Орҳан Кәаӡба

Пашә иқәра шмаҷызгьы, ижәлар рыбжьара ҳаҭыр иқәын, аԥхьагылаҩцәа дыруаӡәкын. Ахҵәацәа анхарҭа ҭыԥқәа рзалхра аума, аҩнқәа рыргылара, абзазара аиҿкаара уҳәа рҿы ихы деигӡомызт, убри аҟнытә иара дыхәҷшәа илаз агәаӷь азы Пашә Ду ҳәа изырҳәо иалагеит.

Аамҭа анааи, Пашә Кәаӡба динасыԥхеит Финде Лаԥшьԥҳа (Ԥлиаԥҳа). Дара Осман захьӡыз аԥазаҵә дрыман. Ахәыҷы иакәзаргьы, иаб иеиԥш зегь рыла дҿырԥшыганы изҳауан.

"Осман сара сабду иоуп. Иара дабиԥазаҵәын аха иԥшәмаԥҳәыс Рефие Мамаҭԥҳаи иареи быжьҩык ахшара рхылҵит, фҩык аԥацәеи аԥҳаи. Аха саб ида егьырҭ ақәра ду нырҵыртә еиԥш изыҟамлеит, ачымазарақәа рыхьӡеит. Руаӡәы Исмаил ирратә уалԥшьақәа шынаигӡоз дҭахоит, Осман иакәзаргьы, амаҭацәа ҳаихааным", - еиҭеиҳәоит Пашә Ду ихылҵшьҭроу.

© Foto / из архива семьи Квадзба
Шьаҳан Кәаӡба игәакьацәа рыгәҭа

Зыԥсы ҭаны иаанхаз Осман иԥа Шьаҳан иашьцәа рыхшара рзы иара иоуп абыс иҟалаз. "Ҳаб" ҳәа изырҳәоит иахьагьы.

Аиҳабацәа изларгәалашәоз ала, Шьаҳан ҟазшьала акырӡа иабду Пашә диеиԥшын. Аԥсара иаҵанакуа ацуҭақәа рынхацәа зегьы ҳаҭыр иқәырҵон. Џьоукы аимак-аиҿак анрыбжьалозгьы, рус аилыргаразы иара иԥхьон, иажәа ҟәыш иахаҵгылон.

© Foto / из архива семьи квадзба
Шьаҳан Кәаӡбеи иҧшәмаҧҳәыс Ҧақьизе Бешьлиаҧҳаи

"Ҳаб Шьаҳан ауаа еиҳа дырбон ахәыҷқәа ҳаасҭа. Аӡәы ацхыраара иҭахызар, ма рыцҳарак дақәшәазар, џьоукы ажәа еимаркзар, иара иакәын "уаҳзааи" ҳәа зырҳәоз. Зны, ҳгәылара ҩыџьа аишьцәа гәакьацәа (рыжәла сҳәом) аимак-аиҿак рыбжьалеит. Ҳаб еинсраалоит ҳәа дахьнеиз, аишьцәа руаӡәы икьарахә ҭыганы егьи дысшьуеит ҳәа данаҵха, уи аамҭазы ирыбжьагылаз ҳаб ижәҩахыр иақәшәеит", - иажәабжь иациҵоит Орҳан Кәаӡба.

Ари ахҭыс ашьҭахь аишьцәа еинаалеит, аха Шьаҳан дхымхәаны даанхеит. Изнапык шимыхәозгьы, ԥшьҩык ахшара иааӡеит, ршьапы иқәиргылеит.

Шьаҳан иԥсҭазаара ицеиҩылшеит Ԥаақьизе Бешьлиаԥҳа. Абыргцәа рыԥсы ахьынӡаҭаз абиԥара ҿыц Пашә Ду иҭоурых рзеиҭарҳәон. Уи иҿырԥштәы ала ирааӡон, амҩа иаша иқәырҵон.

© Foto / из архива семьи Квадзба
Шьаҳан Кәаӡба иҧшәмаҧҳәыс Ҧақьизе Бешьлиаҧҳа

Пашә Ду ихылҵшьҭроу зегьы хымԥада ажәла Кәаӡба ныҟәыргоит. Аха "шәзыжәлада" ҳәа ианразҵаауа, раԥхьа иргыланы Пашәиԥацәа ҳауп рҳәоит. Абас ала иахьанӡа Ҭырқәтәыла Пашә Ду ихьӡ ахәбатәи абиԥара еиқәырханы иааргоит.

Иара убас шәаԥхьар ҟалоит:

586
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

20
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

20