Ахьӡ-аԥша аорден знапаҿы измоуц Аибашьра Ду аԥснытәи аветеранцәа еилкаахеит

10
(ирҿыцуп 09:52 08.06.2021)
Аџьынџьтәылатә еибашьра Ду алахәылацәа, аибашьратә ҳамҭа занашьам реилкаара абаза "Аиааира аеҵәақәа" еиҿыркаауеит 2015 шықәса раахыс.

АҞӘА, рашәара 8 - Sputnik. Аџьынџьтәылатә еибашьра Ду иалахәыз Ахьӡ-аԥша аорден аҩбатәии ахԥатәии аҩаӡарақәа знапаҿы изыдмыркыц Аԥсны иалҵыз 12-ҩык рыхьӡқәа шьақәыргылоуп Ахьӡ-аԥша амузеи адиректор лхаҭыԥуаҩ, арратә ҭоурыхҭҵааҩ Николаи Медвенски ибзоурала. Абри атәы аанацҳауеит амузеи Facebook аҿтәи адаҟьаҿы.

Владислав Арӡынба ихьӡ зху Ахьӡ-аԥша аҳәынҭқарратә музеи иакьыԥхьит аибашьцәа рыжәлақәа, иркьаҿу адыррақәа, рыуацәа рыԥшаарагьы иалагеит:

  • Николаи Шьаҳан-иԥа Адлеба, 1924 шықәса рзы ииз
  • Георги Александр-иԥа Ачба, 1916 шықәса рзы ииз
  • Григори Уасил-иԥа Бебиа, 1915 шықәса рзы ииз
  • Џьота Басиаҭ-иԥа Бжьаниа, 1923 шықәса рзы ииз
  • Таҷ Ӷәаџьала-иԥа Габуниа, 1913 шықәса рзы ииз
  • Георги Антон-иԥа Гобечиа, 1905 шықәса рзы ииз
  • Роман Ӡыкә-иԥа Гогьиа, 1906 шықәса рзы ииз
  • Петр Нестор-иԥа Гогәуа, 1922 шықәса рзы ииз
  • Борис Нестор-иԥа Ӡаӡамиа, 1923 шықәса рзы ииз
  • Шамиль Шьариф-иԥа Жьиба, 1918 шықәса рзы ииз
  • Михаил Роман-иԥа Зыхәба(ев), 1920 шықәса рзы ииз
  • Герат (Мераб? Мураҭ?) Кото-иԥа (Кәыта-иԥа?) Қардаа, 1910 шықәса рзы ииз

Аџьынџьтәылатә еибашьра Дуӡӡа алахәылацәа ргәакьацәа иахәҭоу адокументқәа рымазаараан ироурц азин рымоуп аордентә шәҟәы, аветеран иԥсы ҭазар - иара аорден ахаҭа.

2015 шықәса раахыс Урыстәыла атәылахьчара аминистрреи, "Российская газета", ателеканал "Россия 24" аус адырулоит аибашьцәа ирыҭамыз аҳамҭақәа рсиа ашьақәыргылара, аибашьҩы иҭаацәа, игәакьацәа рҭахы изы аинформациа роурц азы.

Адыррақәа рбаза "Аиааира аеҵәақәа" изанашьаз иҟынӡа изымнаӡаз 65 843 ордени медали рыӡбахә аҳәоит.

10

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4