Аԥсны иҟоу Урыстәыла Ацҳаражәҳәарҭа рашәара 14 рызтәи аусура аграфик акьыԥхьит

8
(ирҿыцуп 09:03 08.06.2021)
Рашәара 7 инаркны Ацҳаражәҳәарҭа аконсултә ҟәша абиометриатә тәылауаҩшәҟәқәа реиҿкааразы анкетақәа рыдкылареи ихианы иҟоу атәылауаҩшәҟәқәа ршареи мҩаԥнагалоит асааҭ 9:00 - 17:00 рзы.

АҞӘА, рашәара 8 - Sputnik. Аԥсны иҟоу Урыстәыла Ацҳаражәҳәарҭа аконсултә ҟәша аркхоит рашәара 14 азы – Урыстәыла Амш инамаданы. Абри атәы аанацҳауеит Ацҳаражәҳәарҭа Facebook аҿы.

Урыстәыла Амш Урыстәылатәи Афедерациа иаҳәынҭқарратә мышныҳәоуп, иазгәарҭоит рашәара 12 азы.

Рашәара 7 инаркны Ацҳаражәҳәарҭа аконсултә ҟәша абиометриатә тәылауаҩшәҟәқәа реиҿкааразы анкетақәа рыдкылареи ихианы иҟоу атәылауаҩшәҟәқәа ршареи мҩаԥнагалоит асааҭ 9:00 - 17:00 рзы (ашәахьа инаркны ахәашанӡа), ахәаша асааҭ  16:00 рҟынӡа (аԥсшьараамҭа  13:00-14:00).

Уаанӡа Ацҳаражәҳәарҭа иакьыԥхьхьан хәышықәсатәи атәылауаҩшәҟәқәа реиҿкааразы анкетақәа рыдкылара аграфик.

Мшаԥы 28 аахыс анкета аҭаразы иҭаҩу атәылауаа рсиа рашәарамза анҵәамҭазы икьыԥхьхоит.

8
В Сухуме загорелось здание бывшей кондитерской фабрики

Аҟәа амцакра ду ҟалеит

16
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

16

Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

1
Аԥсны Жәлар Реизара адепутат, аграртә политикеи аԥсабаратә хархәареи аекологиеи рзы ахеилак ахантәаҩы Асҭамыр Ҭарбеи Тамшь ақыҭа ахада Вадим Занҭариеи арадио Sputnik аефир аҿы аԥсуа қыҭақәа рҿы аинвестициақәа ралагаларазы иҟоу алшарақәеи аԥкрақәеи ирылацәажәеит.
Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

Иҳаҩсыз ашықәс жьҭаарамза анҵәамҭазы Очамчыра араион Тамшь ақыҭан аргылара иалагеит атуристтә аобиект. Мышқәак раԥхьа уи аусура хацнаркит. Аԥсны Мрагыларатәи ахәҭа иахьаҵанакуа ари раԥхьатәи ҭыԥхеит атуристцәа рыԥсшьара аиҿкааразы.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

1