Аԥсны агәабзиарахьчара аминистрра ацәеижьҿагылақәа рыҭара ахьалшо атәы рҳәеит

13
(ирҿыцуп 14:27 08.06.2021)
Аԥсны ауааԥсыра урыстәылатәи алаҵа "Спутник V" рзыҟаҵара иалагеит лаҵарамза 11 рзы. Зынӡа Аԥсныҟа иааган 6500 доза алаҵа.

АҞӘА, рашәара 8 - Sputnik. Атәылауаа риммунтә статус аилкааразы рашәара 7 аахыс ареспубликаҿы аусура иалагеит аԥсуа-аурыс программа ҳәа аанацҳауеит Агәабзиарахьчара аминистрра апресс-маҵзура.

Аусбарҭа апресс-маҵзура адыррала ацәеижьҿагылақәа рышьақәыргыларазы анализқәа рыҭара ҟалоит:

  • араионтә поликлиника – Аҟәа, Абазақәа рымҩа
  • ақалақьтә поликлиника №3 афилиал – Синоп
  • ахәыҷтәы поликлиника - 1 - 15 шықәса зхыҵуа рзы
  • араионтә хәышәтәырҭақәа – Гал, Очамчыра, Тҟәарчал, Гәылрыԥшь
  • асанитар-епидемиологиатә маҵзура – Гагра араион
  • Гәдоуҭа араион аҿы аус ауеит амобилтә бригада.

Атәылауаҩ ииммуннтә статус аилкаара ишьақәнаргылоит Аԥсны бжьаратәла COVID-19 ахь ацәеижьҿагыла рымоу. Зынӡа хнызқь анализ мҩаԥгахоит.

Анализқәа хәыда-ԥсадоуп.

13
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

8
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

8

Аҟәа иҟалаз абылра ахәҭак ырцәоуп

8
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

8