Апарламент аҿы 2020 шықәсазтәи абиуџьет анагӡара актәи аԥхьарала ирыдыркылеит

13
(ирҿыцуп 14:33 09.06.2021)
Рашәара 9 азы Аԥсны Апарламент аилатәара мҩаԥысит. Амшхәаԥштә азҵаараҿ иқәгылан "2020 шықәсазтәи ареспубликатә биуџьет анагӡаразы" азакәан апроект адкылара.

АҞӘА, рашәара 9 - Sputnik. Аԥсны Апарламент "2020 шықәсазтәи ареспубликатә биуџьет анагӡаразы" азакәан апроект адкылараз абжьыҭара мҩаԥнагеит.

Аԥсны аԥыза-министр ихаҭыԥуаҩ, афинансқәа рминистр Владимир Делба еиҭеиҳәеит ҵыԥхтәи абиуџьет алагалақәеи аныхтәқәеи ртәы.

Апараметр хадақәа рынагӡара ишьақәнаргылеит 9 миллиардки 300 миллион мааҭ, ишьақәырӷәӷәаз 10 миллиардк иаҿырԥшны. Анагӡара мҩаԥысит 92,6%.

Аныхрақәа рзы абиуџьет апараметрқәа рынагӡара ишьақәнаргылеит 9 миллиардки 350 миллион мааҭ, ишьақәырӷәӷәаз 11 миллиарди 170 миллион мааҭ иаҿырԥшны.

Адепутат Натали Смырԥҳа ажәалагала ҟалҵеит абиуџьет анагӡара актәи аԥхьарала ирыдыркыларц.

Апарламентари Рауль Лолуа иазгәеиҭеит афинансқәа рминистр инарҭбаау аинформациа шыҟаиҵаз, ауадаҩрақәа шыҟазгьы 2020 шықәсазы аиҳабыра ишрылдыршаз рхыдҵақәа рынагӡара.

Иара ажәадгала ҟаиҵеит азакәан апроект актәии егьырҭ аԥхьарақәеи рыла ирыдыркыларц.

Ахцәажәарақәа рышьҭахь адепутатцәа ирыӡбеит актәи аԥхьара аҳәаақәа ирҭагӡаны абжьыҭара мҩаԥыргарц. Абжьыҭараан абиуџьет анагӡара рыдыркылеит.

13

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4